Túrkiia prezidenti Rejep Taiyp Erdoǵan Iran tóńiregindegi shielenistiń ýshyǵýyna qatysty pikir bildirip, Ankara atysty toqtatý úshin diplomatiialyq qadamdardy kúsheitip jatqanyn málimdedi, dep habarlaidy Dalanews.kz.
Ol Túrkiianyń iran halqymen birge ýaiymdap otyrǵanyn jetkizip, qaqtyǵystyń beibit turǵyndar men balalarǵa áseri erekshe alańdatatynyn atap ótti.
Erdoǵannyń sózinshe, Túrkiia óńirde bitim ornap, jaǵdai turaqtalǵansha diplomatiialyq baǵyttaǵy áreketin jalǵastyra beredi. Ankara qantógistiń toqtap, Taiaý Shyǵysta uzaq merzimdi beibitshilik ornaýyn qoldaidy.
Sondai-aq túrik kóshbasshysy jaǵdai der kezinde toqtatylmasa, onyń saldary óńirden asyp, álemge áser etýi múmkin ekenin eskertti. Onyń sózinshe, bul qaqtyǵys qaýipsizdikke ǵana emes, jahandyq ekonomika men álemdik turaqtylyqqa da qater tóndiredi.
"Sondyqtan órttiń órshýine jol bermei, ony der kezinde aýyzdyqtaý qajet", - dedi Erdoǵan.
