Óz kezeginde Túrkiia Joǵary sailaý keńesiniń (OSK) tóraǵasy Ahmet Iener da Erdoǵannyń jeńiske jetkenin málimdedi.
Onyń aitýynsha, biýlletenderdiń 99,99 paiyzyn sanaý qorytyndysy boiynsha Rejep Taiyp Erdoǵan 52,92 paiyz, Kemal Qylychdaroǵly 47,86 paiyz daýys jinaǵan.
– Qazirgi prezidenttiń kandidatýrasyn 27 million 513 myń 587 sailaýshy qoldasa, Qylychdaroǵly úshin 25 million 260 myń 210 sailaýshy daýys berdi. Aiyrmashylyq 2 mln 253 myń 478 boldy, – dedi OSK basshysy.
Óz kezeginde Erdoǵan aldaǵy bes jylda eldi basqarý jaýapkershiligin ózine jáne onyń ákimshiligine tapsyrǵanyn aityp, eldegi sailaý nátijelerin de demokratiia merekesi dep atady.
Memleket basshysy Qasym-Jomart Toqaev Rejep Taiyp Erdoǵandy Túrkiiada ótken prezident sailaýynyń ekinshi kezeńindegi jarqyn jeńisimen quttyqtady
– Elderimizdi tarihi dostyq jáne yntymaqtastyq bailanystar biriktiredi. Osy jan-jaqty yntymaqtastyq strategiiasy odan ári dami beredi, – dep jazylǵan Prezidenttiń Twitter-degi quttyqtaýynda.
AQSh prezidenti Djo Baiden de óziniń Tvitter paraqshasynda: «Prezident Erdoǵandy qaita sailanýymen quttyqtaimyn! Men NATO odaqtastary retinde ekijaqty máseleler men jahandyq syn-qaterler boiynsha yntymaqtastyqty jalǵastyratynymyzǵa senemin!», – dep Erdoǵandy jeńisimen quttyqtady.
