ءوز كەزەگىندە تۇركيا جوعارى سايلاۋ كەڭەسىنىڭ (وسك) ءتوراعاسى احمەت يەنەر دا ەردوعاننىڭ جەڭىسكە جەتكەنىن مالىمدەدى.
ونىڭ ايتۋىنشا، بيۋللەتەندەردىڭ 99،99 پايىزىن ساناۋ قورىتىندىسى بويىنشا رەجەپ تايىپ ەردوعان 52،92 پايىز، كەمال قىلىچداروعلى 47،86 پايىز داۋىس جيناعان.
– قازىرگى پرەزيدەنتتىڭ كانديداتۋراسىن 27 ميلليون 513 مىڭ 587 سايلاۋشى قولداسا، قىلىچداروعلى ءۇشىن 25 ميلليون 260 مىڭ 210 سايلاۋشى داۋىس بەردى. ايىرماشىلىق 2 ملن 253 مىڭ 478 بولدى، – دەدى وسك باسشىسى.
ءوز كەزەگىندە ەردوعان الداعى بەس جىلدا ەلدى باسقارۋ جاۋاپكەرشىلىگىن وزىنە جانە ونىڭ اكىمشىلىگىنە تاپسىرعانىن ايتىپ، ەلدەگى سايلاۋ ناتيجەلەرىن دە دەموكراتيا مەرەكەسى دەپ اتادى.
مەملەكەت باسشىسى قاسىم-جومارت توقايەۆ رەجەپ تايىپ ەردوعاندى تۇركيادا وتكەن پرەزيدەنت سايلاۋىنىڭ ەكىنشى كەزەڭىندەگى جارقىن جەڭىسىمەن قۇتتىقتادى
– ەلدەرىمىزدى تاريحي دوستىق جانە ىنتىماقتاستىق بايلانىستار بىرىكتىرەدى. وسى جان-جاقتى ىنتىماقتاستىق ستراتەگياسى ودان ءارى دامي بەرەدى، – دەپ جازىلعان پرەزيدەنتتىڭ Twitter-دەگى قۇتتىقتاۋىندا.
اقش پرەزيدەنتى دجو بايدەن دە ءوزىنىڭ تۆيتتەر پاراقشاسىندا: «پرەزيدەنت ەردوعاندى قايتا سايلانۋىمەن قۇتتىقتايمىن! مەن ناتو وداقتاستارى رەتىندە ەكىجاقتى ماسەلەلەر مەن جاھاندىق سىن-قاتەرلەر بويىنشا ىنتىماقتاستىقتى جالعاستىراتىنىمىزعا سەنەمىن!»، – دەپ ەردوعاندى جەڭىسىمەن قۇتتىقتادى.
