Almaty ákimi Erbolat Dosaev qaladaǵy almatylyqtardyń eń tanymal jáne súiikti jerleriniń biri ári keshendi abattandyrý jumystary aiaqtalyp qalǵan Sairan kóliniń aýmaǵyn aralap kórdi, dep habarlaidy Dalanews.kz
Jaǵajai aimaǵy, jaiaý júrginshiler marshrýttary jáne belsendi demalys aimaqtary bar zamanaýi jaǵalaýdy qurý jobasy aýdany 47,6 ga ýchaskede iske asyrylýda.
Búgingi tańda jaǵalaý syzyǵyn nyǵaitý, injenerlik jelilerdi salý jáne bóget salýdy qosa alǵanda, negizgi qurylys jumystary 80%-ǵa aiaqtaldy. Qazir jabyndy tóseý, shaǵyn sáýlet pishinderin ornatý jáne aýmaqty kógaldandyrý jumystary júrgizilýde.
Jumys sapary barysynda ákim trotýar bóligin abattandyrý boiynsha eskertýler berdi: plitkalardy tóseý jobalyq belgiler men qurylys standarttary boiynsha tegis jáne jaily ári qaýipsiz jasalyp, qalalyq ortanyń talaptaryna sai oryndalýy tiis ekeni jóninde eskertti. Sondai-aq irgeles aýmaqtaǵy aǵashtarǵa kásibi orman-patologiialyq zertteý júrgizý jáne abattandyrýdyń biryńǵai landshafttyq tujyrymdamasy aiasynda jańa kóshetter otyrǵyzýdy qamtamasyz etý tapsyryldy.
Jol berilgen buzýshylyqtarǵa bailanysty Erbolat Dosaev tehnikalyq qadaǵalaýdy júzege asyratyn «Rremier Expert» JShS kompaniiasymen shartty buzýdy tapsyrdy. Merdiger uiymdarǵa jumystardyń oryndalý merzimderi men sapasyna baqylaýdy kúsheitý qatań kórsetildi. Jaýapty vedomstvolarǵa barlyq jumystardyń aiaqtaý merzimi - 2025 jyldyń mamyr aiynyń sońyna deiin belgilendi. Joba merzimder men joǵary sapa standarttary qatań saqtalǵan jaǵdaida ǵana qabyldanady. Sondai-aq, Almaty qalasynyń Qoǵamdyq keńistikterdi damytý basqarmasyna eskertýler men naqty tapsyrmalar berildi. Jobanyń iske asyrylý barysyn baqylaý ákimniń jeke baqylaýynda bolady.
Eske salaiyq, Sairan sý qoimasyn rekonstrýktsiialaý 2024 jyldyń aqpan aiynda bastalǵan bolatyn. Jumys aiaqtalǵannan keiin almatylyqtar qala ortalyǵynda biregei rekreatsiialyq keńistik alady. Jańartylǵan jaǵalaý kóldiń eki aýmaǵyn uzyndyǵy 2,5 km bolatyn biryńǵai serýendeý aimaǵyna qosady. Joba boiynsha alańda oryndyqtar, lotos bar sý qoimasynyń janyndaǵy pergolalar, fýdkorttar, skeitpark, fýtbol alańy, parkýr alańdary, roller, velopark, balalar qalashyǵy, itterdi serýendetýge arnalǵan aimaq, qoǵamdyq dárethanalar jáne táýlik boiǵy beinebaqylaý júiesi paida bolady. Eki politsiia beketi men eki qutqarý beketi salynady.
1971 jyldan beri alǵash ret Sairan naǵyz ózgeristi bastan ótkerýde-bul aýmaqtyń búkil ómirindegi alǵashqy keshendi jańarýy. 2023 jyly 50 jylda alǵash ret sý qoimasynyń túbi tazartyldy-140 myń tekshe metrden astam lai jáne 28 tonna turmystyq qoqys syrtqa shyǵaryldy.
