Premer-Ministrdiń keńesshisi Eraly Toǵjanov bastaǵan mamandar toby Shyǵys Qazaqstan oblysyndaǵy sý tasqynyna bailanysty daiyndyqty jáne júrgizilip jatqan aldyn alý sharalaryn tekserip, Altai jáne Shemonaiha aýdandaryndaǵy qaýipsizdikti qamtamasyz etýge baǵyttalǵan aldyn alý jumystarynyń barysymen tanysty, dep habarlaidy Dalanews.kz
–Shyǵys Qazaqstanda ótkizilgen senbilikter men sý tasqynyna qarsy is-sharalar turǵyndardyń óz aýlasyna uqyptylyqpen qaraýyna jáne qaýipsizdik sharalaryn der kezinde qabyldaýyna úlken áser etti. Bul baǵytta óńirde aýqymdy jumystar atqarylǵan, – dedi Eraly Toǵjanov.
ShQO Tótenshe jaǵdailar departamentiniń málimetinshe, búgingi tańda oblys aýmaǵynda sý tasqynyna qarsy 107 is-shara júzege asyryldy. Atap aitqanda, 16 ýchaskede muz jarý jumystary júrgizildi, 386 myń tekshe metr qar shyǵaryldy, 4 853 sý ótkizý qurylysy, 493 aryq, 112 kanal tazartyldy, 437 kópir jóndeldi.
ShQO TJD mamandary qutqarýshylar men azamattyq qorǵanys qyzmetteriniń sý tasqyny kezeńindegi túrli stsenariilerge daiyn ekenin, halyqty eskertý, evakýatsiialaý, qabyldaý beketterine uiymdasqan túrde ornalastyrý jáne jedel kómek kórsetý sharalary josparǵa sai júrgiziletinin málimdedi.
Komissiia músheleri jaýapty qyzmetterdiń úilesimdi jumysyn jáne sý tasqynynyń aldyn alýǵa baǵyttalǵan júieli sharalardy atap ótti.
