PhD doktory, "Áziret Sultan" meshitiniń naib imamy Abdýlahad Smanov áielderge qatysty aqyl aita bastady, dep habarlaidy Dalanews.kz.
Onyń sózinshe, mindetti túrde árbir áiel bilip júrýge tiis keńester bar.
"Eshbir er adam minsiz emes. Erler balalar siiaqty. Sondyqtan olarmen anasy sekildi bol. Tez tyńda, biraq baiaý sóile. Er adammen eshqashan básekelespe. Onymen teń bolýǵa tyryspa. Qateleskenińdi túsinseń, birden keshirim sura. óp qyzǵanba. Bul – júikeńniń tynyshtyǵy úshin jaqsy. Onyń telefonyn tekserýge quqyǵyń bar, biraq bul mindetti emes. Jubai retinde árdaiym shynaiy bol. Uzaq jolǵa shyǵatyn bolsań, kúieýińnen ruqsat sura. Onyń jaqsy kóretin tamaǵyn bilip al jáne múmkindigiń bolsa, aptasyna kemi eki ret daiynda. Biýdjetti birge josparlaýǵa tyrysyńdar. Syn aitýshy emes, keńes berýshi bol.
Áiel – erine kómekshi ekenin eshqashan umytpa. Anańnan jaqsy qasietterdi úiren. Balaly bolǵanda, kúieýińdi umytpa. Balalarmen ǵana ainalyspa. Kúieýińe jii kúlimsireýdi úiren. Jumystan keletin ýaqyty jaqyndaǵanda ony qarsy al. Qolyńnan kelse, qushaqta. Kúieýiń úiden ash ketpeýine kóńil ból. Kúieýiń ashýlansa, úndeme. Uiyqtaityn bólmeni árdaiym taza usta. Kiimdi tósektiń ústine qoima. Keibir erkekter ony jek kóredi. Taza áiel bol. Romantik bol. Áiel retindegi mindetterińdi umytpa. Sen onyń ápkesi emessiń. Kúieýińniń týystaryna óz týystaryńdai qara.Onyń týystarynyń jaǵdaiyn jii surap tur. Ekeýiń birge ǵibadat oryndaryna baryp turyńdar. Kúieýińdi nemese úiińdi basqa bireýdiń úiimen eshqashan salystyrma", - dep jazǵan ol.
Bul jazba áleýmettik jelide qyzý talqylanyp jatyr.
"Osyndai erejeni erkekter ózine yńǵailap shyǵaryp jazyp ala ma?", "Shirkin-ai,á. Erlerdiń mindeti joq pa", "Áiteýir aqylshy kóbeiip ketti ǵoi", "Áiel adam er adamnyń anasy bola almaidy. Áiel áiel bolyp qalady. Ana tek ana bolady. Ár adamnyń orny bólek", - dedi jeli qoldanýshylary.
