PhD دوكتورى، "ازىرەت سۇلتان" مەشىتىنىڭ نايب يمامى ابدۋلاحاد سمانوۆ ايەلدەرگە قاتىستى اقىل ايتا باستادى، دەپ حابارلايدى Dalanews.kz.
ونىڭ سوزىنشە، مىندەتتى تۇردە ءاربىر ايەل ءبىلىپ جۇرۋگە ءتيىس كەڭەستەر بار.
"ەشبىر ەر ادام ءمىنسىز ەمەس. ەرلەر بالالار سياقتى. سوندىقتان ولارمەن اناسى سەكىلدى بول. تەز تىڭدا، ءبىراق باياۋ سويلە. ەر اداممەن ەشقاشان باسەكەلەسپە. ونىمەن تەڭ بولۋعا تىرىسپا. قاتەلەسكەنىڭدى تۇسىنسەڭ، بىردەن كەشىرىم سۇرا. ءوپ قىزعانبا. بۇل – جۇيكەڭنىڭ تىنىشتىعى ءۇشىن جاقسى. ونىڭ تەلەفونىن تەكسەرۋگە قۇقىعىڭ بار، ءبىراق بۇل مىندەتتى ەمەس. جۇباي رەتىندە ءاردايىم شىنايى بول. ۇزاق جولعا شىعاتىن بولساڭ، كۇيەۋىڭنەن رۇقسات سۇرا. ونىڭ جاقسى كورەتىن تاماعىن ءبىلىپ ال جانە مۇمكىندىگىڭ بولسا، اپتاسىنا كەمى ەكى رەت دايىندا. بيۋدجەتتى بىرگە جوسپارلاۋعا تىرىسىڭدار. سىن ايتۋشى ەمەس، كەڭەس بەرۋشى بول.
ايەل – ەرىنە كومەكشى ەكەنىن ەشقاشان ۇمىتپا. اناڭنان جاقسى قاسيەتتەردى ۇيرەن. بالالى بولعاندا، كۇيەۋىڭدى ۇمىتپا. بالالارمەن عانا اينالىسپا. كۇيەۋىڭە ءجيى كۇلىمسىرەۋدى ۇيرەن. جۇمىستان كەلەتىن ۋاقىتى جاقىنداعاندا ونى قارسى ال. قولىڭنان كەلسە، قۇشاقتا. كۇيەۋىڭ ۇيدەن اش كەتپەۋىنە كوڭىل ءبول. كۇيەۋىڭ اشۋلانسا، ۇندەمە. ۇيىقتايتىن بولمەنى ءاردايىم تازا ۇستا. كيىمدى توسەكتىڭ ۇستىنە قويما. كەيبىر ەركەكتەر ونى جەك كورەدى. تازا ايەل بول. رومانتيك بول. ايەل رەتىندەگى مىندەتتەرىڭدى ۇمىتپا. سەن ونىڭ اپكەسى ەمەسسىڭ. كۇيەۋىڭنىڭ تۋىستارىنا ءوز تۋىستارىڭداي قارا.ونىڭ تۋىستارىنىڭ جاعدايىن ءجيى سۇراپ تۇر. ەكەۋىڭ بىرگە عيبادات ورىندارىنا بارىپ تۇرىڭدار. كۇيەۋىڭدى نەمەسە ءۇيىڭدى باسقا بىرەۋدىڭ ۇيىمەن ەشقاشان سالىستىرما"، - دەپ جازعان ول.
بۇل جازبا الەۋمەتتىك جەلىدە قىزۋ تالقىلانىپ جاتىر.
"وسىنداي ەرەجەنى ەركەكتەر وزىنە ىڭعايلاپ شىعارىپ جازىپ الا ما؟"، "شىركىن-اي،ءا. ەرلەردىڭ مىندەتى جوق پا"، "ايتەۋىر اقىلشى كوبەيىپ كەتتى عوي"، "ايەل ادام ەر ادامنىڭ اناسى بولا المايدى. ايەل ايەل بولىپ قالادى. انا تەك انا بولادى. ءار ادامنىڭ ورنى بولەك"، - دەدى جەلى قولدانۋشىلارى.
