Bul týraly 2024 jyly 31 qazanda Qazaqstanda ótip jatqan Sheteldik investorlar keńesine qatysyp, Memleket basshysy Qasym-Jomart Toqaevpen kezdesken Eýropalyq qaita qurý jáne damý bankiniń prezidenti Odil Reno-Basso málimdedi, dep habarlaidy Dalanews.kz.
Memleket basshysymen kezdesýi barysynda EQDB prezidenti elimizdiń ornyqty damýyna, investitsiialyq ahýalynyń jaqsarýyna jáne ekonomikalyq jańǵyrýyna áser etetin ózara yqpaldastyqtyń áleýetti baǵyttaryna qatysty josparymen bólisti. Odil Reno-Basso bank Qazaqstannyń investitsiialyq jobalaryn muqiiat zerdeleitinin jetkizip, infraqurylymdyq damýdy aldaǵy ýaqytta da qoldaýǵa nietti ekenin málimdedi.
"EQDB taiaý jyldary "jasyl ekonomika" talaptaryn oryndaý aiasynda Qazaqstanǵa 2 milliard evro quiýdy josparlap otyr. Sondai-aq biyl Eýropalyq qaita qurý jáne damý banki Qazaqstandaǵy 22 jobany júzege asyrýǵa 650 million dollar bóledi", - dedi Odil Reno-Basso.
EQDB prezidenti "Samuryq-Qazyna" aktsionerlik qoǵamynyń satyp alý úderisine oń baǵa berdi. Onyń aitýynsha, kreditor-kompaniialardyń qor erejesine sáikes jumys isteýi atalǵan satyp alý úderisiniń ashyqtyǵyna senim joǵary ekenin kórsetedi.
Buǵan deiin Eýropalyq Qaita qurý jáne damý bankiniń (EQDB) prezidenti Odil Reno-Bassonyń Qazaqstanǵa jumys sapary 2024 jyldyń 31 qazannan 1 qarasha aralyǵyna josparlanǵanyn jazǵan bolatynbyz.
