Eýropalyq Odaq 2025 jylǵy álemdegi adam quqyqtary men demokratiia jaǵdaiy týraly jyl saiynǵy esebin jariialady, dep habarlaidy dalanews.kz.
EO esebinde 2025 jyl qaqtyǵystardyń saqtalýy men olardyń alýan túrliligi, sondai-aq halyqaralyq tártiptegi aýqymdy ózgeristermen sipattalǵany aitylǵan.
Qazaqstandaǵy adam quqyqtary men demokratiia jaǵdaiyna Qazaqstan halyqaralyq adam quqyqtary biýrosy da nazar aýdardy.
Biýronyń baǵalaýynsha, 2025 jyly Qazaqstandaǵy jaǵdai birkelki bolmaǵan. Málimdelgen saiasi jáne institýtsionaldyq reformalarmen qatar azamattyq keńistiktegi birqatar qurylymdyq shekteýler de saqtalǵan.
«Elde azamattyq keńistiktiń aitarlyqtai tarylýy baiqaldy. Retteýshilik, ákimshilik jáne zańnamalyq sharalar azamattyq qoǵam uiymdaryna, táýelsiz BAQ-qa, saiasi belsendilerge jáne azshylyq ókilderine áser etti», - dep habarlaidy Qazaqstan halyqaralyq adam quqyqtary biýrosy.
Biýronyń málimetinshe, úkimettik emes uiymdarǵa baqylaýdyń kúsheiýi, jýrnalisterge qysymnyń artýy, beibit jinalystar ótkizýge qatysty shekteýlerdiń saqtalýy jáne sóz bostandyǵy salasynda keń túsindirýge múmkindik beretin zańnamanyń qabyldanýy quqyqtyq belgisizdik pen ózin ózi tsenzýralaýdyń kúsheiýine yqpal etken.
Sonymen birge esepte Qazaqstandaǵy birqatar oń ózgeris te atap ótiledi. Olardyń qatarynda sot reformasy jáne genderlik zorlyq zombylyqtan qorǵaýdy kúsheitýge baǵyttalǵan zańnamalyq sharalardyń júzege asyrylýy bar.
