2026 jyldyń maýsymynan bastap Eýropalyq odaqta kóshi-qon saıasatynyń jańa erejeleri kúshine enedi, dep habarlaıdy Dalanews.kz.

Jańashyldyqtarǵa sáıkes, odaqqa múshe memleketter ekijaqty kelisimder negizinde zańsyz mıgranttardy úshinshi elderge deportasıalaı alady.

Sondaı-aq EO "qaýipsiz shyqqan elder" tizimin bekitti. Bul tizimge Úndistan, Mysyr, Marokko jáne Eýroodaqqa úmitker memleketterdiń basym bóligi endi.

Osy elderden kelgen azamattarǵa bosqyn mártebesin alý qıyndaı túsedi. Endi olar ózderine naqty qysym jasalǵanyn nemese ómirine tikeleı qaýip tóngenin dáleldeıtin naqty ári salmaqty aıǵaq usynýy tıis.