Energetika ministrligine qatysty tergeý aiaqtaldy – básekelestikke tosqaýyl qoiǵany anyqtaldy. Bul týraly QR Básekelestikti qorǵaý jáne damytý agenttigi tóraǵasynyń orynbasary Erlan Áljan habarlady, dep habarlaidy Dalanews.kz.
– Berilgen nusqamaǵa sáikes, Energetika ministrligi birqatar normativtik-quqyqtyq aktilerge ózgeris engizýi tiis. Atap aitqanda, munai jetkizý kestesin jasaý erejeleri, sondai-aq magistraldyq munai qubyrlary arqyly munai tasymaldaý kestesin jasaý erejeleri qaita qaralýy qajet. Sonymen qatar, munaidy avtomatty túrde bólýge arnalǵan tsifrlyq platforma engizilýi tiis, – dedi Erlan Áljan.
Nusqama oryndaldy: Oil Transportation Management júiesi ázirlenip, synaq rejiminde iske qosyldy. Bul júie ministrliktiń fýnktsiialaryn avtomattandyryp, munai jetkizý kestesin jasaýda adam faktoryn barynsha azaitýdy qamtamasyz etti.
