ەنەرگەتيكا مينيسترلىگىنە قاتىستى تەرگەۋ اياقتالدى – باسەكەلەستىككە توسقاۋىل قويعانى انىقتالدى. بۇل تۋرالى ق ر باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ورىنباسارى ەرلان ءالجان حابارلادى، دەپ حابارلايدى Dalanews.kz.
– بەرىلگەن نۇسقاماعا سايكەس، ەنەرگەتيكا مينيسترلىگى ءبىرقاتار نورماتيۆتىك-قۇقىقتىق اكتىلەرگە وزگەرىس ەنگىزۋى ءتيىس. اتاپ ايتقاندا، مۇناي جەتكىزۋ كەستەسىن جاساۋ ەرەجەلەرى، سونداي-اق ماگيسترالدىق مۇناي قۇبىرلارى ارقىلى مۇناي تاسىمالداۋ كەستەسىن جاساۋ ەرەجەلەرى قايتا قارالۋى قاجەت. سونىمەن قاتار، مۇنايدى اۆتوماتتى تۇردە بولۋگە ارنالعان سيفرلىق پلاتفورما ەنگىزىلۋى ءتيىس، – دەدى ەرلان ءالجان.
نۇسقاما ورىندالدى: Oil Transportation Management جۇيەسى ازىرلەنىپ، سىناق رەجيمىندە ىسكە قوسىلدى. بۇل جۇيە مينيسترلىكتىڭ فۋنكسيالارىن اۆتوماتتاندىرىپ، مۇناي جەتكىزۋ كەستەسىن جاساۋدا ادام فاكتورىن بارىنشا ازايتۋدى قامتاماسىز ەتتى.
