Energetika ministri Erlan Aqkenjenov Qazaqstannyń OPEK+ kelisimin ustanatynyn rastady, dep habarlaidy Dalanews.kz.
"Qazaqstannyń Energetika ministri Erlan Aqkenjenov Astanada OPEK Bas hatshysy mártebeli Haitam ál-Gaispen kezdesti. Kezdesý barysynda ministr Qazaqstannyń tarihi OPEK+ kelisimine oń kózqarasyn jetkizip, jahandyq munai naryǵyndaǵy turaqtylyqty qamtamasyz etý jónindegi birlesken yntymaqtastyqty jalǵastyrýǵa daiyn ekenin bildirdi", delingen Energertika ministrligi baspasóz qyzmetiniń habarlamasynda.
Taraptar yntymaqtastyq nátijeleri men "8 el" kezdesýi aiasynda qol jetkizilgen ýaǵdalastyqtardy joǵary baǵalady.
"Qazaqstan OPEK jáne kelisimge qatysýshy memlekettermen odan ári tyǵyz yntymaqtastyqqa daiyn ekenin bildirip, óndirýshilerdiń, tutynýshylardyń jáne jahandyq ekonomikanyń múddesi úshin álemdik naryqtaǵy turaqtylyqty nyǵaitýǵa yntaly ekendigin jetkizdi", dep naqtylaidy ministrlik.
Aita ketsek, buǵan deiin Energetika ministrligi sáýir aiynda Qazaqstan OPEK+ belgilegen kvotadan táýiligine 297 myń barrel asyp ketkenin habarlanǵan bolatyn.
