Búgin Úkimet úıinde ótken baspasóz máslıhatynda QR Indýstrıa jáne qurylys mınıstri Qanat Sharlapaev elimiz boıynsha ýtılalym taqyrybyn jabýdy usyndy, – dep habarlaıdy Dalanews.kz.

Mınıstr Qanat Sharlapaev ýtılalym máselesi túrli deńgeıde birneshe ret qaralyp, ábden talqylanǵanyn atap ótti.

– Dál osy másele boıynsha kóptegen kezdesýler boldy. Ýtılalymdy alyp tastaý máselesin kótergen bastamashy toptyń ýájderi men pıtestásyna zańdy túrde tyńdap, olarǵa tıisti jaýap berdik.

Memlekettik organdar bul máseleni ujymdyq deńgeıde jan-jaqty qarastyryp, arnaıy jumys tobynyń sheńberinde sheshim qabyldaǵanyn bilesizder.

Sondyqtan dál osy másele boıynsha meniń tarapynan qandaıda bir túsiniktemeni qaıtalap aıta bere berýdiń qajeti joq. Men psevdosarapshylar men osy taqyryp boıynsha manıpýlásıa jasaýdy jón kóretin adamdarǵa túsinikteme bermeımin, – dedi mınıstr.

Óz kezeginde Qanat Sharlapaev resmı túrde sheshim qabyldaǵan máselege qaıta-qaıta túsinikteme bere berýdiń durys emes atap ótti.

– Tıisti zańnama men zań bar, ótinishti zańnamalyq turǵydan qarap, zań aıasynda sheshim qabyldandy. Memlekettik organdardyń alqaly sheshimine qatysty pikir aıta almaımyn.

Sol sebepti men bul máseleni jaýyp, budan bylaı atalǵan másele boıynsha eshqandaı túsinikteme bermeımin. Taǵy da aıtamyn, biz budan bylaı ýtılalym tólemderi máselesine qatysty pikir bildirmeımiz. Óıtkeni memlekettik organdar bul máselege qatysty óz ustanymdaryn resmı túrde bildirdi, – dep túıindedi sózin mınıstr.

Eske salaıyq, 16 shildede arnaıy komısıa ýtılalym tólemin alyp tastaý týraly ótinishti qabyldamaǵany habarlanǵan bolatyn.