بۇگىن ۇكىمەت ۇيىندە وتكەن باسپا ءسوز ءماسليحاتىندا ق ر يندۋستريا جانە قۇرىلىس ءمينيسترى قانات شارلاپايەۆ ەلىمىز بويىنشا ۋتيلالىم تاقىرىبىن جابۋدى ۇسىندى، – دەپ حابارلايدى Dalanews.kz.
مينيستر قانات شارلاپايەۆ ۋتيلالىم ماسەلەسى ءتۇرلى دەڭگەيدە بىرنەشە رەت قارالىپ، ابدەن تالقىلانعانىن اتاپ ءوتتى.
– ءدال وسى ماسەلە بويىنشا كوپتەگەن كەزدەسۋلەر بولدى. ۋتيلالىمدى الىپ تاستاۋ ماسەلەسىن كوتەرگەن باستاماشى توپتىڭ ۋاجدەرى مەن پيتەستياسىنا زاڭدى تۇردە تىڭداپ، ولارعا ءتيىستى جاۋاپ بەردىك.
مەملەكەتتىك ورگاندار بۇل ماسەلەنى ۇجىمدىق دەڭگەيدە جان-جاقتى قاراستىرىپ، ارنايى جۇمىس توبىنىڭ شەڭبەرىندە شەشىم قابىلداعانىن بىلەسىزدەر.
سوندىقتان ءدال وسى ماسەلە بويىنشا مەنىڭ تاراپىنان قاندايدا ءبىر تۇسىنىكتەمەنى قايتالاپ ايتا بەرە بەرۋدىڭ قاجەتى جوق. مەن پسيەۆدوساراپشىلار مەن وسى تاقىرىپ بويىنشا مانيپۋلياسيا جاساۋدى ءجون كورەتىن ادامدارعا تۇسىنىكتەمە بەرمەيمىن، – دەدى مينيستر.
ءوز كەزەگىندە قانات شارلاپايەۆ رەسمي تۇردە شەشىم قابىلداعان ماسەلەگە قايتا-قايتا تۇسىنىكتەمە بەرە بەرۋدىڭ دۇرىس ەمەس اتاپ ءوتتى.
– ءتيىستى زاڭناما مەن زاڭ بار، ءوتىنىشتى زاڭنامالىق تۇرعىدان قاراپ، زاڭ اياسىندا شەشىم قابىلداندى. مەملەكەتتىك ورگانداردىڭ القالى شەشىمىنە قاتىستى پىكىر ايتا المايمىن.
سول سەبەپتى مەن بۇل ماسەلەنى جاۋىپ، بۇدان بىلاي اتالعان ماسەلە بويىنشا ەشقانداي تۇسىنىكتەمە بەرمەيمىن. تاعى دا ايتامىن، ءبىز بۇدان بىلاي ۋتيلالىم تولەمدەرى ماسەلەسىنە قاتىستى پىكىر بىلدىرمەيمىز. ويتكەنى مەملەكەتتىك ورگاندار بۇل ماسەلەگە قاتىستى ءوز ۇستانىمدارىن رەسمي تۇردە ءبىلدىردى، – دەپ تۇيىندەدى ءسوزىن مينيستر.
ەسكە سالايىق، 16 شىلدەدە ارنايى كوميسسيا ۋتيلالىم تولەمىن الىپ تاستاۋ تۋرالى ءوتىنىشتى قابىلداماعانى حابارلانعان بولاتىن.
