Qazaqstanda endi sarbazdar áskeri bólimdi ózderi tańdai alady, dep habarlaidy Dalanews.kz.
Qazaqstanda áskerge shaqyrylǵan jastarǵa áskeri qyzmet ornyn óz betinshe tańdaý múmkindigi beriledi. Bul úshin Qorǵanys ministrligi MyArmy.kz internet-portalyn iske qosty. Jańa júie merzimdi ári kelisimshart negizindegi qyzmetke qabyldaý protsesin jeńildetýdi kózdeidi.
Platformada ótinish berýge, áskeri mamandyqtar men daiyndyq sharttarymen tanysýǵa, sondai-aq onlain-anyqtamalyq arqyly suraq qoiýǵa bolady. Eń basty jańashyldyq – qalaǵan áskeri bólimdi kórsetý múmkindigi.
Qazirgi ýaqytta portal Almaty oblysyndaǵy №78460 áskeri bóliminiń bazasynda pilottyq rejimde jumys istep tur. Testileýden keiin joba búkil el boiynsha engiziledi.
Vedomstvo ókilderiniń aitýynsha, tsifrlandyrý áskerge shaqyrylýshylar úshin áskeri qyzmetti barynsha ashyq ári túsinikti etpek.
Eske salaiyq, 18 qyrkúiekte áskerde taǵy da qaiǵyly jaǵdai boldy. Almaty oblysy Jambyl aýdany Mátibulaq aýylynda ornalasqan №01098 áskeri bóliminde 19 jastaǵy merzimdi sarbaz Dinmuhamed Shynarbek óli tabyldy.
Marqumnyń ápkesiniń sózinshe, 2024 jyly kúzde áskerge Daniial Shynarbek shaqyrylsa, kóktemde onyń egizi Dinmuhammed ásker qataryna alynǵan. Ekeýi de Otar garnizonynda qyzmet etken.
Otbasyna marqum sýitsid jasady degen habar jetken, alaida týǵan-týystary bul nusqaǵa senbeidi.
Sonymen qatar, Jetisýda merzimdi áskeri qyzmetshi oq jaraqatynan qaza tapty.
Merzimdi áskeri qyzmetshi qaýipsizdik erejeleri saqtalmaý saldarynan oq jaraqatyn alyp, sol jerde qaza tapqan.
Bul derek boiynsha qylmystyq is qozǵaldy. Qorǵanys ministri tergeýdi jeke baqylaýyna aldy.
