Oqý-aǵartý ministrligi mektepterde tamaqtandyrý qyzmetterin uiymdastyrý kezinde ónim berýshilerdi irikteý talaptaryn buzǵan sheneýnikterdi ákimshilik jaýapkershilikke tartý máselesin qarastyrýda. Bul týraly ministr Ǵani Beisembaev málim etti, dep habarlaidy Dalanews.kz.
Qyrkúiek pen qazan ailarynda mektep ashanalarynyń sanitarlyq-epidemiologiialyq talaptarǵa sáikestigine monitoring júrgizilgen.
«Respýblikalyq tekserý nátijeleri mekteptegi tamaqtaný sapasyna jergilikti atqarýshy organdardyń baqylaýynyń áli de jetkiliksiz ekenin kórsetti. Bul zańnama talaptarynyń jii buzylýynan baiqalady. Monitoring barysynda 771 túrli buzýshylyq anyqtalǵanyn erekshe atap ótkim keledi», – dedi ministr Úkimet otyrysynda.
Ministrlik sonymen qatar jergilikti ákimdikterdiń mektepte tamaqtanýdy uiymdastyrý jumystaryna keshendi baǵalaý júrgizgen. Bul rette birneshe faktorlar eskerilgen:
- Tamaqtaný sapasyna qatysty monitoring nátijeleri;
- Ashanalardyń materialdyq-tehnikalyq bazasy;
- 1 oqýshyǵa shaqqandaǵy tamaqtaný quny;
- Ata-analar arasynda júrgizilgen saýalnamalardyń qorytyndylary.
«Mysaly, Jambyl, Mańǵystaý, Almaty, Atyraý oblystary men Shymkent qalasy ákimdikteri mektepterde sapaly tamaqtanýdy uiymdastyrýǵa jetkilikti kóńil bólmei otyrǵany anyqtaldy. Bul óńirlerde baqylaýdy kúsheitý qajettigi aiqyn kórinip otyr. Osyǵan bailanysty ministrlik ónim berýshilerdi irikteý talaptaryn buzǵan laýazymdy tulǵalardy ákimshilik jaýapqa tartý jónindegi usynysty pysyqtap jatyr», – dedi Ǵani Beisembaev.
