Endi kásipkerler salyq esebin Kaspi Pay qosymshasymen tapsyra alady
– Kaspi Pay – qazaqstandyq kásipkerler úshin Kaspi.kz-tiń eń tanymal qosymshasy. Basty maqsatymyz – kásipkerlerdiń ómirin jeńildetý ári jaqsartý. Bizdiń jańa «Salyq esebi» servisiniń kómegimen jeke kásipkerler endi salyq esebin onlain, jyldam ári ońai tapsyra alady. Komandalarymyz birlesip ázirlegen taǵy bir tabysty servis úshin Memlekettik kirister komitetine, sondai-aq UAT AQ pen Tsifrlandyrý ministrligine raqmet aitamyz! – dedi Kaspi.kz-tiń basshysy ári negizin qalaýshylardyń biri Mihail Lomtadze.
Qz kezeginde QR QM Memlekettik kirister komiteti tóraǵasynyń orynbasary Azamat Panbaev ta Kaspi.kz qosymshasy kásipkerlerdiń jumysyn jeńildetip, ýaqytyn únemdeitinin alǵa tartty.
– Memlekettik kirister komiteti ekinshi deńgeidegi banktermen yntymaqtastyq aiasynda Kaspi Pay platformasynda shaǵyn biznes sýbektileri úshin 910-nysandy salyq eseptiligin qabyldaý servisin tegin iske qosty. Bul servis salyqty esepteýge, eseptilikti jasaýǵa jáne usynýǵa jumsalatyn ýaqytty únemdei otyryp, salyq mindettemelerin jyldam, qoljetimdi, ýaqtyly oryndaýǵa múmkindik beredi. Bul baǵytta yntymaqtastyq qolaily jaǵdai jasap, salyq tóleýshiler men memlekettiń arasyndaǵy ózara is-qimyldy jaqsarta otyryp, jalǵasyn tabady, – dep Azamat Panbaev oiyn ortaǵa saldy.
Jańa servistiń kómegimen býhgalter nemese kásipkerdiń ózi esepti qosymshanyń ózinde jasaqtai alady jáne rastaǵan soń esep MKK-ge avtomatty túrde jiberiledi.
Jaqyn aradaǵy esepti – a15 aqpanǵa deiin 2022 jyldyń ekinshi jartyjyldyǵy úshin tapsyrý kerek.
Kelesi esepti – 2023 jyldyń birinshi jartyjyldyǵy úshin – 15 tamyzǵa deiin tapsyrý kerek.
Servis týraly tolyǵyraq Kaspi Gid-ten bilińiz.
