Saıasattanýshy Danıar Áshimbaevpen tildesken eks-prezıdent osy naýqanǵa qatysty oıymen bólisip,
túzetýler arasynda Tuńǵysh Prezıdenttiń mártebesine qatysty ózgerister bar ekenin atap ótti.
"5 maýsymda el qatarly referendýmda daýys berýge qatysamyn. Mundaı ózgerister buryn da engizilgen edi. Konstıtýsıa qatyp qalǵan qujat emes, ýaqyt talaby, qoǵamnyń suranysyn eskerip, únemi ózgerip, tolyǵyp otyrýy tıis.
Eń bastysy qazirgi saıası ózgeris memleket pen bizdiń halqymyzdyń múddesi úshin bolǵany mańyzdy", - dedi Nazarbaev.
Eks-prezıdentti tolǵandyratyn basty másele "Nazarbaevtyń murasyna" qatysty pikirtalas. Onyń atap ótkenindeı el basqarǵan jyldary sońyndaǵy halqyna ne qaldyraryn únemi qaperinde ustaǵan.
Onyń aıtýynsha, bılikten ketýine halyq qarsy bolǵan, áıtse de tizgindi Toqaevqa tabystaý týraly sheshim qabyldaǵan.
"2019 jyly mańyzdy qadam jasap, qalyń buqaranyń qarsylyǵyna qaramastan Memleket basshysy qyzmetinen óz erkimmen kettim. Halyq bul áreketimdi quptamady.
Muny 2015 jylǵy sońǵy prezıdenttik saılaý dáleldeıdi, ol kezde men 97,7 paıyz daýys aldym.
Iá, birqatar qyzmettegi quziretimdi saqtap qaldym. Biraq bul tegis saıası tranzıt úshin jáne qoǵam men bılik elıtasynda bolýy múmkin saıası janjaldy jeńildetý úshin jasaldy.
Ata zańǵa saı prezıdent oryntaǵyn Senat Tóraǵasy Qasym-Jomart Kemeluly Toqaevqa tapsyrdym. Keıingi jalpyhalyqtyq saılaýda ol ádil jeńiske jetti. Osy jyldar ishinde men onyń elimizdiń reformalanýy men odan ári damýy jónindegi is-áreketterin jan-jaqty qoldadym. Bul joly da qoldaý kórseterime kúmán bolmasyn", - dedi Nazarbaev.
Sonymen qatar, ótken otyz jylda aýqymda ister atqarylǵanyn, alaıda keıbireýlerdiń muny umytyp ketkenine ókpe-renish bildirdi.
“Halyqtan asqan dana joq, halyq bárin este ustaryna senimdimin. Qazaqstan saıası da, ekonomıkalyq ta halyqaralyq prosesterdiń belsendi oıynshysyna aınaldy. Egemendik jyldary elimizge 360 mlrd dollar tikeleı sheteldik ınvestısıa tartyldy. Jan basyna shaqqandaǵy kiris 1993 jylǵy 304,85 dollardan 2020 jyly 8,6 myń dollarǵa deıin ósti”, – dedi eks-prezıdent.
Bunymen qosa Qazaqstan ekonomıkasynyń kólemi Orta Azıanyń barlyq elderiniń ekonomıkasynan 2 ese artyq ekenin eske saldy.
“Biz 1991 jyly neden bastadyq jáne búginge deıin ne nársege qol jetkizdik. Jer men kókteı. Táýelsizdigimizdi nyǵaıttyq. Barlyq kórshilerimizben shekarany anyqtadyq jáne qazirgi ýaqytta bizge qatysty kez-kelgen aýmaqtyq shaǵymdar tolyǵymen alynyp tastaldy.
Táýelsiz bolý úshin memleket álem moıyndaǵan shekaralarǵa, óziniń soǵysqa qabiletti armıasyna, ulttyq valútasyna, halyqaralyq moıyndaýǵa ıe bolýy kerek.
Munyń bári bizde bolǵan joq. Buǵan meniń prezıdent bolǵan jyldarymda jáne meniń basshylyǵymmen qol jetkize aldyq”, – deıdi Nazarbaev.
https://dalanews.kz/news/77576-eng-auyr-sankciia-batys-elderi-reseyg
https://dalanews.kz/del-qazir/77288-qazaqstandyq-mektepterding-aleuetin-2
https://dalanews.kz/kogam/77339-khalqytyng-759-y-ata-zangga-tuzetuler-engiz
