ساياساتتانۋشى دانيار اشىمبايەۆپەن تىلدەسكەن ەكس-پرەزيدەنت وسى ناۋقانعا قاتىستى ويىمەن ءبولىسىپ،
تۇزەتۋلەر اراسىندا تۇڭعىش پرەزيدەنتتىڭ مارتەبەسىنە قاتىستى وزگەرىستەر بار ەكەنىن اتاپ ءوتتى.
"5 ماۋسىمدا ەل قاتارلى رەفەرەندۋمدا داۋىس بەرۋگە قاتىسامىن. مۇنداي وزگەرىستەر بۇرىن دا ەنگىزىلگەن ەدى. كونستيتۋسيا قاتىپ قالعان قۇجات ەمەس، ۋاقىت تالابى، قوعامنىڭ سۇرانىسىن ەسكەرىپ، ۇنەمى وزگەرىپ، تولىعىپ وتىرۋى ءتيىس.
ەڭ باستىسى قازىرگى ساياسي وزگەرىس مەملەكەت پەن ءبىزدىڭ حالقىمىزدىڭ مۇددەسى ءۇشىن بولعانى ماڭىزدى"، - دەدى نازاربايەۆ.
ەكس-پرەزيدەنتتى تولعاندىراتىن باستى ماسەلە "نازاربايەۆتىڭ مۇراسىنا" قاتىستى پىكىرتالاس. ونىڭ اتاپ وتكەنىندەي ەل باسقارعان جىلدارى سوڭىنداعى حالقىنا نە قالدىرارىن ۇنەمى قاپەرىندە ۇستاعان.
ونىڭ ايتۋىنشا، بيلىكتەن كەتۋىنە حالىق قارسى بولعان، ايتسە دە تىزگىندى توقايەۆقا تابىستاۋ تۋرالى شەشىم قابىلداعان.
"2019 جىلى ماڭىزدى قادام جاساپ، قالىڭ بۇقارانىڭ قارسىلىعىنا قاراماستان مەملەكەت باسشىسى قىزمەتىنەن ءوز ەركىممەن كەتتىم. حالىق بۇل ارەكەتىمدى قۇپتامادى.
مۇنى 2015 جىلعى سوڭعى پرەزيدەنتتىك سايلاۋ دالەلدەيدى، ول كەزدە مەن 97،7 پايىز داۋىس الدىم.
ءيا، ءبىرقاتار قىزمەتتەگى قۇزىرەتىمدى ساقتاپ قالدىم. ءبىراق بۇل تەگىس ساياسي ترانزيت ءۇشىن جانە قوعام مەن بيلىك ەليتاسىندا بولۋى مۇمكىن ساياسي جانجالدى جەڭىلدەتۋ ءۇشىن جاسالدى.
اتا زاڭعا ساي پرەزيدەنت ورىنتاعىن سەنات ءتوراعاسى قاسىم-جومارت كەمەل ۇلى توقايەۆقا تاپسىردىم. كەيىنگى جالپىحالىقتىق سايلاۋدا ول ءادىل جەڭىسكە جەتتى. وسى جىلدار ىشىندە مەن ونىڭ ەلىمىزدىڭ رەفورمالانۋى مەن ودان ءارى دامۋى جونىندەگى ىس-ارەكەتتەرىن جان-جاقتى قولدادىم. بۇل جولى دا قولداۋ كورسەتەرىمە كۇمان بولماسىن"، - دەدى نازاربايەۆ.
سونىمەن قاتار، وتكەن وتىز جىلدا اۋقىمدا ىستەر اتقارىلعانىن، الايدا كەيبىرەۋلەردىڭ مۇنى ۇمىتىپ كەتكەنىنە وكپە-رەنىش ءبىلدىردى.
“حالىقتان اسقان دانا جوق، حالىق ءبارىن ەستە ۇستارىنا سەنىمدىمىن. قازاقستان ساياسي دا، ەكونوميكالىق تا حالىقارالىق پروسەستەردىڭ بەلسەندى ويىنشىسىنا اينالدى. ەگەمەندىك جىلدارى ەلىمىزگە 360 ملرد دوللار تىكەلەي شەتەلدىك ينۆەستيسيا تارتىلدى. جان باسىنا شاققانداعى كىرىس 1993 جىلعى 304،85 دوللاردان 2020 جىلى 8،6 مىڭ دوللارعا دەيىن ءوستى”، – دەدى ەكس-پرەزيدەنت.
بۇنىمەن قوسا قازاقستان ەكونوميكاسىنىڭ كولەمى ورتا ازيانىڭ بارلىق ەلدەرىنىڭ ەكونوميكاسىنان 2 ەسە ارتىق ەكەنىن ەسكە سالدى.
“ءبىز 1991 جىلى نەدەن باستادىق جانە بۇگىنگە دەيىن نە نارسەگە قول جەتكىزدىك. جەر مەن كوكتەي. تاۋەلسىزدىگىمىزدى نىعايتتىق. بارلىق كورشىلەرىمىزبەن شەكارانى انىقتادىق جانە قازىرگى ۋاقىتتا بىزگە قاتىستى كەز-كەلگەن اۋماقتىق شاعىمدار تولىعىمەن الىنىپ تاستالدى.
تاۋەلسىز بولۋ ءۇشىن مەملەكەت الەم مويىنداعان شەكارالارعا، ءوزىنىڭ سوعىسقا قابىلەتتى ارمياسىنا، ۇلتتىق ۆاليۋتاسىنا، حالىقارالىق مويىنداۋعا يە بولۋى كەرەك.
مۇنىڭ ءبارى بىزدە بولعان جوق. بۇعان مەنىڭ پرەزيدەنت بولعان جىلدارىمدا جانە مەنىڭ باسشىلىعىممەن قول جەتكىزە الدىق”، – دەيدى نازاربايەۆ.
https://dalanews.kz/news/77576-eng-auyr-sankciia-batys-elderi-reseyg
https://dalanews.kz/del-qazir/77288-qazaqstandyq-mektepterding-aleuetin-2
https://dalanews.kz/kogam/77339-khalqytyng-759-y-ata-zangga-tuzetuler-engiz
