Qazaqstanda eń tómengi jalaqy mólsheri (ETJ) artady. Bul týraly Eńbek jáne halyqty áleýmettik qorǵaý ministri Svetlana Jaqypova málimdedi, dep habarlaidy Dalanews.kz.
Parlament palatalarynyń birlesken otyrysynan keiin ministr jýrnalisterge bergen suhbatynda 2024 jyly alǵash ret Eńbek ministrligi eń tómengi jalaqyny esepteý ádistemesin bekitkenin atap ótti. Jańa tásilde eńbek ónimdiligi, naryqtaǵy medianalyq jalaqy mólsheri men infliatsiia deńgeii eskeriledi.
"Qazir birneshe zertteý institýty eńbek ónimdiligi men medianalyq jalaqyny aimaqtar men salalar boiynsha naqtylap zerttep jatyr. Osy derekter eń tómengi jalaqyny esepteýdiń negizine alynady", — dedi Jaqypova.
Ministrdiń aitýynsha, naqty soma zertteý jumystary aiaqtalǵan soń belgili bolady.
"Biz bul jumysty jyl sońyna deiin aiaqtaýdy josparlap otyrmyz. Osylaisha, 2026 jyldyń 1 qańtarynan bastap ETJ-ni kóteremiz", — dep túiindedi ol.
Eske sala keteiik, buǵan deiin vitse-premer, Ulttyq ekonomika ministri Serik Jumanǵarin de elimizdegi eń tómengi jalaqy kólemine qatysty pikir bildirgen bolatyn
