قازاقستاندا ەڭ تٶمەنگٸ جالاقى مٶلشەرٸ (ەتج) ارتادى. بۇل تۋرالى ەڭبەك جەنە حالىقتى ەلەۋمەتتٸك قورعاۋ مينيسترٸ سۆەتلانا جاقىپوۆا مەلٸمدەدٸ, دەپ حابارلايدى Dalanews.kz.
پارلامەنت پالاتالارىنىڭ بٸرلەسكەن وتىرىسىنان كەيٸن مينيستر جۋرناليستەرگە بەرگەن سۇحباتىندا 2024 جىلى العاش رەت ەڭبەك مينيسترلٸگٸ ەڭ تٶمەنگٸ جالاقىنى ەسەپتەۋ ەدٸستەمەسٸن بەكٸتكەنٸن اتاپ ٶتتٸ. جاڭا تەسٸلدە ەڭبەك ٶنٸمدٸلٸگٸ, نارىقتاعى مەديانالىق جالاقى مٶلشەرٸ مەن ينفلياتسييا دەڭگەيٸ ەسكەرٸلەدٸ.
"قازٸر بٸرنەشە زەرتتەۋ ينستيتۋتى ەڭبەك ٶنٸمدٸلٸگٸ مەن مەديانالىق جالاقىنى ايماقتار مەن سالالار بويىنشا ناقتىلاپ زەرتتەپ جاتىر. وسى دەرەكتەر ەڭ تٶمەنگٸ جالاقىنى ەسەپتەۋدٸڭ نەگٸزٸنە الىنادى", — دەدٸ جاقىپوۆا.
مينيستردٸڭ ايتۋىنشا, ناقتى سوما زەرتتەۋ جۇمىستارى اياقتالعان سوڭ بەلگٸلٸ بولادى.
"بٸز بۇل جۇمىستى جىل سوڭىنا دەيٸن اياقتاۋدى جوسپارلاپ وتىرمىز. وسىلايشا, 2026 جىلدىڭ 1 قاڭتارىنان باستاپ ەتج-نٸ كٶتەرەمٸز", — دەپ تٷيٸندەدٸ ول.
ەسكە سالا كەتەيٸك, بۇعان دەيٸن ۆيتسە-پرەمەر, ۇلتتىق ەكونوميكا مينيسترٸ سەرٸك جۇمانعارين دە ەلٸمٸزدەگٸ ەڭ تٶمەنگٸ جالاقى كٶلەمٸنە قاتىستى پٸكٸر بٸلدٸرگەن بولاتىن
