Ulttyq statistika biýrosy qarashadaǵy QR áleýmettik-ekonomikalyq damý nátijelerin jariialady. Oǵan sáikes, 2024 jylǵy qazanda halyqtyń orta eseppen jan basyna shaqqandaǵy ataýly aqshalai tabystary baǵalaý boiynsha 206 887 (aldyn ala derekter) teńgeni qurady, bul 2023 jylǵy qazanǵa qaraǵanda 2% joǵary, naqty aqshalai tabys kórsetilgen kezeńde 6% tómendedi, dep jazady Dalanews.kz.
Sondai-aq 2024 jylǵy III toqsanda ortasha ailyq ataýly jalaqysy 390 328 teńgeni qurady (kásipkerlik qyzmetpen ainalysatyn shaǵyn kásiporyndardaǵy qyzmetkerlerdi esepke almaǵanda). 2024 jylǵy III toqsanda baǵalaý boiynsha medianalyq jalaqy 269 378 teńgeni qurady. 2024 jylǵy 1 qańtardan bastap eń tómengi jalaqy 85 000 teńge mólsherinde belgilengen.
Máselen, úshinshi toqsannyń qorytyndysy boiynsha eń tómengi ortasha jalaqy Túrkistan oblysynda - 266 590 teńge, al joǵarysy Atyraý oblysynda 630 894 teńge deńgeiinde tirkeldi.
Bir qyzyǵy, ótken jyldyń úshinshi toqsanymen salystyrǵanda Atyraý oblysynda naqty jalaqy indeksi tómendegen, muny tómendegi kesteden kórýge bolady.
QR Ulttyq statistika biýrosy salalyq bóliniste eń joǵary ataýly jalaqy kásiptik, ǵylymi jáne tehnikalyq qyzmette ekenin naqtylaidy: 593 myń teńgeden astam. Odan keiin aqparat jáne bailanys salasynda – 673 myń teńgeden astam, qarjy jáne saqtandyrý qyzmeti salasynda 831 myń teńgeden astam.
Sonymen qatar, qujatta 2024 jyldyń ekinshi toqsanynda respýblikamyzdaǵy kásiporyndarda eńbekaqy tóleý boiynsha bereshek 458 mlrd teńgeni qurap, 2023 jyldyń tiisti kezeńimen salystyrǵanda 14,8%-ǵa ulǵaiǵany kórsetilgen, bul rette merzimi ótken bereshek - shamamen 47,7 mln teńge.
