ۇلتتىق ستاتيستيكا بيۋروسى قاراشاداعى قر ەلەۋمەتتٸك-ەكونوميكالىق دامۋ نەتيجەلەرٸن جارييالادى. وعان سەيكەس, 2024 جىلعى قازاندا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى باعالاۋ بويىنشا 206 887 (الدىن الا دەرەكتەر) تەڭگەنٸ قۇرادى, بۇل 2023 جىلعى قازانعا قاراعاندا 2% جوعارى, ناقتى اقشالاي تابىس كٶرسەتٸلگەن كەزەڭدە 6% تٶمەندەدٸ, دەپ جازادى Dalanews.kz.
سونداي-اق 2024 جىلعى III توقساندا ورتاشا ايلىق اتاۋلى جالاقىسى 390 328 تەڭگەنٸ قۇرادى (كەسٸپكەرلٸك قىزمەتپەن اينالىساتىن شاعىن كەسٸپورىندارداعى قىزمەتكەرلەردٸ ەسەپكە الماعاندا). 2024 جىلعى III توقساندا باعالاۋ بويىنشا مەديانالىق جالاقى 269 378 تەڭگەنٸ قۇرادى. 2024 جىلعى 1 قاڭتاردان باستاپ ەڭ تٶمەنگٸ جالاقى 85 000 تەڭگە مٶلشەرٸندە بەلگٸلەنگەن.
مەسەلەن, ٷشٸنشٸ توقساننىڭ قورىتىندىسى بويىنشا ەڭ تٶمەنگٸ ورتاشا جالاقى تٷركٸستان وبلىسىندا - 266 590 تەڭگە, ال جوعارىسى اتىراۋ وبلىسىندا 630 894 تەڭگە دەڭگەيٸندە تٸركەلدٸ.
بٸر قىزىعى, ٶتكەن جىلدىڭ ٷشٸنشٸ توقسانىمەن سالىستىرعاندا اتىراۋ وبلىسىندا ناقتى جالاقى يندەكسٸ تٶمەندەگەن, مۇنى تٶمەندەگٸ كەستەدەن كٶرۋگە بولادى.
قر ۇلتتىق ستاتيستيكا بيۋروسى سالالىق بٶلٸنٸستە ەڭ جوعارى اتاۋلى جالاقى كەسٸپتٸك, عىلىمي جەنە تەحنيكالىق قىزمەتتە ەكەنٸن ناقتىلايدى: 593 مىڭ تەڭگەدەن استام. ودان كەيٸن اقپارات جەنە بايلانىس سالاسىندا – 673 مىڭ تەڭگەدەن استام, قارجى جەنە ساقتاندىرۋ قىزمەتٸ سالاسىندا 831 مىڭ تەڭگەدەن استام.
سونىمەن قاتار, قۇجاتتا 2024 جىلدىڭ ەكٸنشٸ توقسانىندا رەسپۋبليكامىزداعى كەسٸپورىنداردا ەڭبەكاقى تٶلەۋ بويىنشا بەرەشەك 458 ملرد تەڭگەنٸ قۇراپ, 2023 جىلدىڭ تيٸستٸ كەزەڭٸمەن سالىستىرعاندا 14,8%-عا ۇلعايعانى كٶرسەتٸلگەن, بۇل رەتتە مەرزٸمٸ ٶتكەن بەرەشەك - شامامەن 47,7 ملن تەڭگە.
