Soǵan bailanysty elordalyq volonterler qar kúreý jumysyna jumyldyrylǵan mamandarǵa ystyq shai men baýyrsaq taratty. Volonterler qalanyń barlyq aýdandarynda osyndai is-shara ótkizip jatyr.
– Bizge únemi qoldaý kórsetetin volonterlerge alǵys aitamyn. Búgin mine bárimiz qar kúrep jatyrmyz, jumys óte kóp. Eriktilerdiń kóterińki kóńil kúi syilap jatqanyna kóp rahmet! – dep jumysshylardyń biri jastarǵa alǵysyn aitty.
Sonymen qatar Astana volonterleri zeinetkerler men erekshe qajettiligi bar azamattardyń úiiniń mańyn qardan tazartýǵa kómektesti.
Mundai aktsiia qaladaǵy barlyq 5 aýdanda bastaldy. Qysqy maýsym bastalǵanǵa deiin ortalyq mamandary aýdandyq ákimdikterden kómek qajet azamattardyń tizimin alyp, sol boiynsha jumys isteidi.
Volonterler qys ýaqytynda qar kúreýmen qatar, turaqty túrde azyq-túlik sebetterin taratý, otyn jarý jáne aýa raiy qolaisyz kezde shai usyný siiaqty kómek kórsetip turady.
Volonterlerdiń aitýynsha, qaiyrymdylyq aktsiiasy qystyń sońyna deiin jalǵasady.
