سوعان بايلانىستى ەلوردالىق ۆولونتەرلەر قار كۇرەۋ جۇمىسىنا جۇمىلدىرىلعان ماماندارعا ىستىق شاي مەن باۋىرساق تاراتتى. ۆولونتەرلەر قالانىڭ بارلىق اۋداندارىندا وسىنداي ءىس-شارا وتكىزىپ جاتىر.
– بىزگە ۇنەمى قولداۋ كورسەتەتىن ۆولونتەرلەرگە العىس ايتامىن. بۇگىن مىنە ءبارىمىز قار كۇرەپ جاتىرمىز، جۇمىس وتە كوپ. ەرىكتىلەردىڭ كوتەرىڭكى كوڭىل كۇي سىيلاپ جاتقانىنا كوپ راحمەت! – دەپ جۇمىسشىلاردىڭ ءبىرى جاستارعا العىسىن ايتتى.
سونىمەن قاتار استانا ۆولونتەرلەرى زەينەتكەرلەر مەن ەرەكشە قاجەتتىلىگى بار ازاماتتاردىڭ ءۇيىنىڭ ماڭىن قاردان تازارتۋعا كومەكتەستى.
مۇنداي اكسيا قالاداعى بارلىق 5 اۋداندا باستالدى. قىسقى ماۋسىم باستالعانعا دەيىن ورتالىق ماماندارى اۋداندىق اكىمدىكتەردەن كومەك قاجەت ازاماتتاردىڭ ءتىزىمىن الىپ، سول بويىنشا جۇمىس ىستەيدى.
كەيبىر تۇرعىندار الەۋمەتتىك جەلى ارقىلى ۆولونتەرلەردەن كومەك سۇرايدى. بۇگىن ۆولونتەرلەر جەكە تۇرعىن ءۇي سەكتورىنداعى ءبىرقاتار ۇيلەردىڭ اۋلاسىن قاردان تازارتى.
ۆولونتەرلەر قىس ۋاقىتىندا قار كۇرەۋمەن قاتار، تۇراقتى تۇردە ازىق-تۇلىك سەبەتتەرىن تاراتۋ، وتىن جارۋ جانە اۋا رايى قولايسىز كەزدە شاي ۇسىنۋ سياقتى كومەك كورسەتىپ تۇرادى.
ۆولونتەرلەردىڭ ايتۋىنشا، قايىرىمدىلىق اكسياسى قىستىڭ سوڭىنا دەيىن جالعاسادى.
