Qazir jobanyń úshinshi kezeńin jobalaý jumysy aiaqtalýda. 2020 jyldan bastap qalǵan jol qiylystaryn jańǵyrtylyp, 118 baǵdarsham qoiylmaqshy. Aita keteiik, bul júie qalalyq trafiktiń problemasyn tolyǵymen sheshe almaidy. Máseleni sheshý úshin kishi kólik ainalymynyń qurylysyn aiaqtaý mańyzdy.
Ol kólik qozǵalysyn úzdiksiz qamtamasyz etýge múmkindik beredi. Máńgilik el dańǵylyna balama retinde Táýelsizdik dańǵyly qurylysynyń jalǵasyn aiaqtaý da mańyzyd.
– Sol jaǵalaý tolyǵymen intellektýaldyq júiege qosylǵan, alaida munda kólik kollapsy jii bolyp turady. Birinshi kezekte tuiyq kósheler men negizgi magistraldardy ótkizý kerek. Tipti, kópten kútken Asan qaiǵy kóshesiniń qurylysy máseleni sheshe alǵan joq. Óitkeni ol tájiribe júzinde Ýálihanov kóshesin qaitalandy. Keptelister Kravtsov kóshesinen bastalyp, Taha Hýsein kóshesine tireledi. Odan Táshenov kóshesinen sol jaǵalaýǵa Máńgilik el dańǵylyna baryp tuiyqtalady. Ári qarai kólik júre almaidy. Sol jerde keptelis oryn alady, – dedi Kólik jáne jol-kólik infraqurylymy basqarmasynyń basshysy Nurlan Soltambekov.
Búgingi kúni Nur-Sultanda bes qurylys júrgizý aýdany men ónárkásiptik aimaq anyqtaldy, ol jerde birinshi kezekte kóshe-jol jelisi damytylatyn bolady.
