ءقازىر جوبانىڭ ءۇشىنشى كەزەڭىن جوبالاۋ جۇمىسى اياقتالۋدا. 2020 جىلدان باستاپ قالعان جول قيىلىستارىن جاڭعىرتىلىپ، 118 باعدارشام قويىلماقشى. ايتا كەتەيىك، بۇل جۇيە قالالىق ترافيكتىڭ پروبلەماسىن تولىعىمەن شەشە المايدى. ماسەلەنى شەشۋ ءۇشىن كىشى كولىك اينالىمىنىڭ قۇرىلىسىن اياقتاۋ ماڭىزدى.
ول كولىك قوزعالىسىن ۇزدىكسىز قامتاماسىز ەتۋگە مۇمكىندىك بەرەدى. ماڭگىلىك ەل داڭعىلىنا بالاما رەتىندە تاۋەلسىزدىك داڭعىلى قۇرىلىسىنىڭ جالعاسىن اياقتاۋ دا ماڭىزىد.
– سول جاعالاۋ تولىعىمەن ينتەللەكتۋالدىق جۇيەگە قوسىلعان، الايدا مۇندا كولىك كوللاپسى ءجيى بولىپ تۇرادى. ءبىرىنشى كەزەكتە تۇيىق كوشەلەر مەن نەگىزگى ماگيسترالداردى وتكىزۋ كەرەك. ءتىپتى، كوپتەن كۇتكەن اسان قايعى كوشەسىنىڭ قۇرىلىسى ماسەلەنى شەشە العان جوق. ويتكەنى ول تاجىريبە جۇزىندە ءۋاليحانوۆ كوشەسىن قايتالاندى. كەپتەلىستەر كراۆسوۆ كوشەسىنەن باستالىپ، تاحا حۋسەين كوشەسىنە تىرەلەدى. ودان تاشەنوۆ كوشەسىنەن سول جاعالاۋعا ماڭگىلىك ەل داڭعىلىنا بارىپ تۇيىقتالادى. ءارى قاراي كولىك جۇرە المايدى. سول جەردە كەپتەلىس ورىن الادى، – دەدى كولىك جانە جول-كولىك ينفراقۇرىلىمى باسقارماسىنىڭ باسشىسى نۇرلان سولتامبەكوۆ.
بۇگىنگى كۇنى نۇر-سۇلتاندا بەس قۇرىلىس جۇرگىزۋ اۋدانى مەن وناركاسىپتىك ايماق انىقتالدى، ول جەردە ءبىرىنشى كەزەكتە كوشە-جول جەلىسى دامىتىلاتىن بولادى.
