“Qyzylorda-Astana” baǵytyndaǵy ushaqta Astana Meditsina ýniversitetiniń stýdenti bir jolaýshyny ólimnen arashalap qaldy, dep habarlaidy Dalanews.kz.
Áleýmettik jelide oqiǵanyń beinejazbasy tarady.
“Ushaqta bir er adamnyń júregi qysylyp, jaǵdaiy nasharlady. Sol mezette meditsinalyq bilimi bar jas jigit batyldyq tanytyp, dereý kómekke umtyldy. Jastardyń bilimdi ári batyl bolýy qýantady. Ol naýqastyń júregin qaita soqtyryp, ómirin saqtap qaldy”, – dep jazdy Dinara Qarlyhan esimdi qoldanýshy.
Jolaýshyǵa kómektesken azamattyń meditsina ýniversitetiniń 7-kýrs stýdenti Dinmuhamed ekeni belgili boldy. Ol Azattyq rýhy portalyna oqiǵanyń qalai órbigenin egjei-tegjeili baiandap berdi.
“Ushaqta bireýdiń ómirin qutqaramyn dep eshqashan oilamappyn. Bortserik “dáriger bar ma?” dep suraǵanda, eshkim shyqpaǵan soń, kómek kórsetýge bel býdym. Naýqasqa jaqyndaǵanda onyń shamamen 50 jasta ekenin baiqadym. Ol keýde tusynyń aýyrǵanyn, júreginiń qysylyp turǵanyn aitty.
Men bortserikterden qan qysymyn ólsheitin qural suradym. Alaida sol sátte ol esinen tanyp qaldy. Tynysy tarylyp, kóz qarashyǵy úlkeie bastady. Men ony jerge jatqyzyp, júrekke tikelei massaj jasap, reanimatsiia sharalaryn bastadym. Bir tsiklden keiin naýqas esin jidy. Oǵan aspirin tabletkasyn berip, ottegi maskasyn taqtym. Ushaq jerge qonǵan soń, jedel járdem naýqasty aýrýhanaǵa alyp ketti”, – deidi bolashaq dáriger.
Jastardyń jedel áreketi jolaýshynyń ómirin saqtap qalýǵa múmkindik berdi.
