Elordalyq qutqarýshylar tótenshe jaǵdai kezindegi biliktiligin pysyqtady
Nur-Sultan qalasynda qysqy kezeńge daiyndyq barysynda 5-6 qarasha kúnderi tótenshe jaǵdailardan qorǵaýdy uiymdastyrý boiynsha «Qys – 2019» respýblikalyq komandalyq-shtabtyq oqý-jattyǵýlary ótti.
Daiyndyq sharasyna Nur-Sultan qalasy ákiminiń orynbasary Ermek Qizatovtyń basshylyq jasaǵanyn aita ketýimiz kerek. 5 jerde uiymdastyrylǵan «Qys – 2019» oqý-jattyǵý sharasynda – birinshi oqý kezeń: avariialyq-qutqarý quramalarynyń sap túzeýi; ekinshi oqý kezeńi: jylý qubyrlaryndaǵy avariiany, sondai-aq elektrenergetikalyq jelilerdegi elektr berý jelileriniń úzilýin joiý. Qatty aiaz saldarynan jylý jelileriniń apatty óshirilýi oryn aldy. Týyndaǵan jaǵdaidy joiý úshin oqiǵa ornyna «Astana-teplotranzit» avariialyq brigadalary jiberildi.
Úshinshi oqý kezeńi: zardap shekkenderge arnalǵan jylytý jáne tamaqtaný oryndary. Qabyldaý pýnkti qutqarýshylarǵa demalýǵa, jylynýǵa jáne tamaqtanýǵa, sondai-aq «Apattar meditsinasy ortalyǵy» dárigerleriniń zardap shekkenderge shuǵyl meditsinalyq jáne psihologiialyq kómek kórsetýge múmkindik beredi.
Tórtinshi oqý kezeńi: biik ǵimarattan órt sóndirý jáne qutqarý jumystaryn júrgizý. Oqý-jattyǵýdyń stsenariii boiynsha turǵyn úi kesheniniń 7-qabatynda elektr symdary men kabelderdiń tuiyqtalýy oryn aldy. Shuǵyl túrde shaqyrtý ornyna órt sóndirý bólimsheleri, qutqarý bólimsheleri kelip jetedi, olar alpinistik qural-jabdyqtardyń kómegimen, avtosatyny kóterý, sondai-aq «Ómir tekshesine» sekirý qurylǵysyn qoldaný arqyly adamdardy evakýatsiialaý jáne qutqarý jumystaryn júrgizdi. Apattar meditsinasy ortalyǵy, 103 qyzmeti zardap shekkenderge meditsinalyq kómek kórsetti.
Besinshi kezeń: Nur-Sultan-Qaraǵandy avtojolynda qar basqan avtobýstan jolaýshylardy evakýatsiialaý jáne balyqshylardy izdeý. Oqý-jattyǵýdyń stsenariii boiynsha 112 qutqarý qyzmetine Nur-Sultan-Qaraǵandy reistik avtobýsynyń jolaýshylarynan jaýyn-shashyn men 25 m/sek ekpindi jeldiń saldarynan jolaýshylary bar avtobýs qar qursaýyna túskendigi týraly qońyraý kelip tústi. Tótenshe jaǵdailar týyndaǵan jerge shuǵyl kómek kórsetý úshin Departamenttiń kúshteri men quraldary, qutqarý jasaǵy, 5573 áskeri bóliminiń 25 áskeri qyzmetshisi, Trekol joǵary ótimdi avtokólikterimen meditsinalyq brigadasy jiberildi. «Búgin biz elordanyń jedel áreket etý qyzmetteriniń qanshalyqty daiyn ekenindigine kýá boldyq. Sondai-aq oqý-jattyǵýda jolaýshylardy evakýatsiialaý, zardap shekkenderdi qutqarý jáne olarǵa meditsinalyq kómek kórsetý boiynsha arnaiy-taktikalyq oqý-jattyǵýlar pysyqtaldy. Búgingi oqý-jattyǵý oidaǵydai ótti dep esepteimin. Sebebi alǵa qoiǵan maqsattarymyzǵa qol jetkizdik», – dep túsindirdi Nur-Sultan qalasynyń Tótenshe jaǵdailar departamenti bastyǵynyń mindetin atqarýshy polkovnik M.Amanbaev. Aita keteiik, oqý-jattyǵýǵa barlyǵy 31 birlik tehnika men jeke quramnan 126 adam jumyldyryldy.
