ەلوردالىق قۇتقارۋشىلار تٶتەنشە جاعداي كەزٸندەگٸ بٸلٸكتٸلٸگٸن پىسىقتادى
نۇر-سۇلتان قالاسىندا قىسقى كەزەڭگە دايىندىق بارىسىندا 5-6 قاراشا كٷندەرٸ تٶتەنشە جاعدايلاردان قورعاۋدى ۇيىمداستىرۋ بويىنشا «قىس – 2019» رەسپۋبليكالىق كوماندالىق-شتابتىق وقۋ-جاتتىعۋلارى ٶتتٸ.
دايىندىق شاراسىنا نۇر-سۇلتان قالاسى ەكٸمٸنٸڭ ورىنباسارى ەرمەك قيزاتوۆتىڭ باسشىلىق جاساعانىن ايتا كەتۋٸمٸز كەرەك. 5 جەردە ۇيىمداستىرىلعان «قىس – 2019» وقۋ-جاتتىعۋ شاراسىندا – بٸرٸنشٸ وقۋ كەزەڭ: اۆارييالىق-قۇتقارۋ قۇرامالارىنىڭ ساپ تٷزەۋٸ; ەكٸنشٸ وقۋ كەزەڭٸ: جىلۋ قۇبىرلارىنداعى اۆارييانى, سونداي-اق ەلەكترەنەرگەتيكالىق جەلٸلەردەگٸ ەلەكتر بەرۋ جەلٸلەرٸنٸڭ ٷزٸلۋٸن جويۋ. قاتتى اياز سالدارىنان جىلۋ جەلٸلەرٸنٸڭ اپاتتى ٶشٸرٸلۋٸ ورىن الدى. تۋىنداعان جاعدايدى جويۋ ٷشٸن وقيعا ورنىنا «استانا-تەپلوترانزيت» اۆارييالىق بريگادالارى جٸبەرٸلدٸ.
ٷشٸنشٸ وقۋ كەزەڭٸ: زارداپ شەككەندەرگە ارنالعان جىلىتۋ جەنە تاماقتانۋ ورىندارى. قابىلداۋ پۋنكتٸ قۇتقارۋشىلارعا دەمالۋعا, جىلىنۋعا جەنە تاماقتانۋعا, سونداي-اق «اپاتتار مەديتسيناسى ورتالىعى» دەرٸگەرلەرٸنٸڭ زارداپ شەككەندەرگە شۇعىل مەديتسينالىق جەنە پسيحولوگييالىق كٶمەك كٶرسەتۋگە مٷمكٸندٸك بەرەدٸ.
تٶرتٸنشٸ وقۋ كەزەڭٸ: بيٸك عيماراتتان ٶرت سٶندٸرۋ جەنە قۇتقارۋ جۇمىستارىن جٷرگٸزۋ. وقۋ-جاتتىعۋدىڭ ستسەنارييٸ بويىنشا تۇرعىن ٷي كەشەنٸنٸڭ 7-قاباتىندا ەلەكتر سىمدارى مەن كابەلدەردٸڭ تۇيىقتالۋى ورىن الدى. شۇعىل تٷردە شاقىرتۋ ورنىنا ٶرت سٶندٸرۋ بٶلٸمشەلەرٸ, قۇتقارۋ بٶلٸمشەلەرٸ كەلٸپ جەتەدٸ, ولار الپينيستٸك قۇرال-جابدىقتاردىڭ كٶمەگٸمەن, اۆتوساتىنى كٶتەرۋ, سونداي-اق «ٶمٸر تەكشەسٸنە» سەكٸرۋ قۇرىلعىسىن قولدانۋ ارقىلى ادامداردى ەۆاكۋاتسييالاۋ جەنە قۇتقارۋ جۇمىستارىن جٷرگٸزدٸ. اپاتتار مەديتسيناسى ورتالىعى, 103 قىزمەتٸ زارداپ شەككەندەرگە مەديتسينالىق كٶمەك كٶرسەتتٸ.
بەسٸنشٸ كەزەڭ: نۇر-سۇلتان-قاراعاندى اۆتوجولىندا قار باسقان اۆتوبۋستان جولاۋشىلاردى ەۆاكۋاتسييالاۋ جەنە بالىقشىلاردى ٸزدەۋ. وقۋ-جاتتىعۋدىڭ ستسەنارييٸ بويىنشا 112 قۇتقارۋ قىزمەتٸنە نۇر-سۇلتان-قاراعاندى رەيستٸك اۆتوبۋسىنىڭ جولاۋشىلارىنان جاۋىن-شاشىن مەن 25 م/سەك ەكپٸندٸ جەلدٸڭ سالدارىنان جولاۋشىلارى بار اۆتوبۋس قار قۇرساۋىنا تٷسكەندٸگٸ تۋرالى قوڭىراۋ كەلٸپ تٷستٸ. تٶتەنشە جاعدايلار تۋىنداعان جەرگە شۇعىل كٶمەك كٶرسەتۋ ٷشٸن دەپارتامەنتتٸڭ كٷشتەرٸ مەن قۇرالدارى, قۇتقارۋ جاساعى, 5573 ەسكەري بٶلٸمٸنٸڭ 25 ەسكەري قىزمەتشٸسٸ, ترەكول جوعارى ٶتٸمدٸ اۆتوكٶلٸكتەرٸمەن مەديتسينالىق بريگاداسى جٸبەرٸلدٸ. «بٷگٸن بٸز ەلوردانىڭ جەدەل ەرەكەت ەتۋ قىزمەتتەرٸنٸڭ قانشالىقتى دايىن ەكەنٸندٸگٸنە كۋە بولدىق. سونداي-اق وقۋ-جاتتىعۋدا جولاۋشىلاردى ەۆاكۋاتسييالاۋ, زارداپ شەككەندەردٸ قۇتقارۋ جەنە ولارعا مەديتسينالىق كٶمەك كٶرسەتۋ بويىنشا ارنايى-تاكتيكالىق وقۋ-جاتتىعۋلار پىسىقتالدى. بٷگٸنگٸ وقۋ-جاتتىعۋ ويداعىداي ٶتتٸ دەپ ەسەپتەيمٸن. سەبەبٸ العا قويعان ماقساتتارىمىزعا قول جەتكٸزدٸك», – دەپ تٷسٸندٸردٸ نۇر-سۇلتان قالاسىنىڭ تٶتەنشە جاعدايلار دەپارتامەنتٸ باستىعىنىڭ مٸندەتٸن اتقارۋشى پولكوۆنيك م.امانباەۆ. ايتا كەتەيٸك, وقۋ-جاتتىعۋعا بارلىعى 31 بٸرلٸك تەحنيكا مەن جەكە قۇرامنان 126 ادام جۇمىلدىرىلدى.
