"Astana jastary" jastar resýrstyq ortalyǵynyń eriktileri "Shapaǵat" saýda úiiniń janyna jinalyp, qala kóshelerin tazalap jatqan jumysshylarǵa, qoǵamdyq kólikti kútip turǵan jolaýshylarǵa jáne kóshede saýda jasap júrgen jolaýshylarǵa shai berdi.
– Men eriktilerimizge alǵys aitqym keledi. Kóshede qatty aiaz bar, olardyń isteri tánimizdi ǵana emes, janymyzdy da jylytady. Jastardyń bul isi meni qatty qýantty, rahmet! – dedi elorda turǵyny Sairan Týrbekova.
Aita ketý kerek, "jylytý" aktsiiasy qystyń sońyna deiin jalǵasady.
– Bizdiń qalamyzdaǵy eń sýyq kúnderde jyl saiyn ótkiziletin dástúrli aktsiiamyz bastaldy. Aktsiia barysynda eriktiler qalamyzdyń barlyq turǵyndaryna negizinen halqy eń kóp jerlerde jáne kóshede jumys isteitinderge aialdamalarda tegin ystyq shai taratady, – dedi "Astana Jastary" JRO basshysy Shyńǵys Tileýlin.
