Elordanyń Qoǵamdyq densaýlyq saqtaý basqarmasynyń qoımasyna Pfizer vaksınasyn saqtaýǵa arnalǵan muzdatqysh keldi, – dep habarlaıdy Dalanews.kz Nur-Sultan ákimdiginiń resmı saıtyna silteme jasap.

Ótken demalys kúnderi –45-ten –80 gradýsqa deıingi temperatýrada jumys isteıtin eki muzdatqysh keldi. Vaksına egý kabınetterine arnaıy termokonteınerlermen jetkizilgen.

Birinshi kezeńde jasóspirimder men júkti áıelderdi Pfizer vaksınasymen vaksınasıalaý tek medısınalyq uıymdar janyndaǵy vaksınasıa pýnkterinde josparlanǵanyn atap ótken jón. Pfizer qalanyń medısınalyq mekemelerine túskeni týraly qosymsha habarlanatyn bolady.

Qala boıynsha barlyǵy 90-nan astam vaksınasıa pýnkteri jumys isteıdi, sondaı-aq eńbek ujymdaryn vaksınasıalaý úshin kóshpeli brıgadalar jumysyn jalǵastyrýda.

Aıta keteıik, búginde elordada KVI vaksınasynyń birinshi komponentin 453 myńǵa jýyq adam aldy, 418 myńnan astam azamat tolyq ımmýndaýdan ótti.