وتكەن دەمالىس كۇندەرى –45-تەن –80 گرادۋسقا دەيىنگى تەمپەراتۋرادا جۇمىس ىستەيتىن ەكى مۇزداتقىش كەلدى. ۆاكسينا ەگۋ كابينەتتەرىنە ارنايى تەرموكونتەينەرلەرمەن جەتكىزىلگەن.
ءبىرىنشى كەزەڭدە جاسوسپىرىمدەر مەن جۇكتى ايەلدەردى Pfizer ۆاكسيناسىمەن ۆاكسيناسيالاۋ تەك مەديسينالىق ۇيىمدار جانىنداعى ۆاكسيناسيا پۋنكتەرىندە جوسپارلانعانىن اتاپ وتكەن ءجون. Pfizer قالانىڭ مەديسينالىق مەكەمەلەرىنە تۇسكەنى تۋرالى قوسىمشا حابارلاناتىن بولادى.
قالا بويىنشا بارلىعى 90-نان استام ۆاكسيناسيا پۋنكتەرى جۇمىس ىستەيدى، سونداي-اق ەڭبەك ۇجىمدارىن ۆاكسيناسيالاۋ ءۇشىن كوشپەلى بريگادالار جۇمىسىن جالعاستىرۋدا.
ايتا كەتەيىك، بۇگىندە ەلوردادا كۆي ۆاكسيناسىنىڭ ءبىرىنشى كومپونەنتىن 453 مىڭعا جۋىق ادام الدى، 418 مىڭنان استام ازامات تولىق يممۋنداۋدان ءوتتى.
