Astanada 4 aqpan kúni tańerteń qar tazalaý jumysyna 1 600-ge jýyq arnaıy tehnıka jumyldyryldy. Qalanyń komýnaldyq qyzmetkerleri táýlik boıy kúsheıtilgen rejımde jumys isteıdi, dep habarlaıdy Astana ákimdiginiń resmı saıty.

Qala kóshelerin, alańdary men trotýarlaryn qar men muzdan tazartýǵa 4 aqpan kúni tańerteń 2,6 myńǵa jýyq jol jumysshy men 1,6 myńǵa jýyq arnaıy tehnıka shyqty.

Ótken túnde qaladan shamamen 53 myń tekshe metr qar shyǵaryldy, bul 3,6 myń aýyr júk kólemine teń.

Qys mezgiliniń basynan beri búginge deıin polıgondarǵa 266 myń reıs 3,6 mln tekshe metr qar shyǵardy.