Elordada qoqys shyǵaratyn kompanıalar jumysyn naqty ýaqyt rejıminde «Waste Management» mamandandyrylǵan baǵdarlamalyq qamtamasyz etý arqyly kórsetedi. Bul týraly Astana ákimdiginiń resmı saıty jazdy, dep habarlaıdy Dalanews.kz
Mundaı baǵdarlamalyq qamtamasyz etýdiń bolýy memlekettik qarjylandyrýdy kózdemeıdi. Ákimdik atynan tapsyrys berýshi aldynda qyzmetterdiń oryndalýyn rastaý quraly retinde qoqys shyǵaratyn kompanıalardyń shyǵystary esebinen iske asyrylady.
Ony engizýdiń eki negizgi maqsaty bar:
- qoqys shyǵaratyn kompanıalardyń usynatyn qyzmetterdiń sapasyn naqty ýaqytta rastaý;
- obektıvti derekter negizinde basqarýshylyq sheshimder qabyldaý úshin analıtıkalyq derekterdi qalyptastyrý.
QTQ (qatty turmystyq qaldyqtar) kómegimen «naqty ýaqyt» rejıminde aqparat alýǵa múmkindik beretin QTQ basqarý ınfraqurylymynyń sıfrlyq kartasy qalyptastyryldy:
- konteınerlik alańdardyń sany men sıpattamalary, onyń ishinde qalanyń aýdandary boıynsha bólinisi;
- konteınerlerdiń sany men tehnıkalyq jaı-kúıi, onyń ishinde qala aýdandarynyń bólinisi;
- qoqys shyǵaratyn kompanıalardyń jáne qala aýdandary bólinisinde jumysqa tartylǵan mamandandyrylǵan kólikter;
- qatty turmystyq qaldyqtar kómý polıgondary;
- qoqys óńdeý keshenderinde.
Osylaısha, qoqys shyǵaratyn kompanıalardyń naqty ýaqyt rejıminde óz mindetterin oryndaýyn baqylaýǵa bolady.
Derekter qatty turmystyq qaldyqtardy suryptaý, qaıta óńdeý jáne kómý obektileriniń qýatyn ózgertý qajettiligin baǵalaýǵa, ıaǵnı qalanyń tıisti ınfraqurylymyn damytýdy tıimdi josparlaýǵa múmkindik beredi.
