ەلوردادا قوقىس شىعاراتىن كومپانيالار جۇمىسىن ناقتى ۋاقىت رەجيمىندە «Waste Management» مامانداندىرىلعان باعدارلامالىق قامتاماسىز ەتۋ ارقىلى كورسەتەدى. بۇل تۋرالى استانا اكىمدىگىنىڭ رەسمي سايتى جازدى، دەپ حابارلايدى Dalanews.kz
مۇنداي باعدارلامالىق قامتاماسىز ەتۋدىڭ بولۋى مەملەكەتتىك قارجىلاندىرۋدى كوزدەمەيدى. اكىمدىك اتىنان تاپسىرىس بەرۋشى الدىندا قىزمەتتەردىڭ ورىندالۋىن راستاۋ قۇرالى رەتىندە قوقىس شىعاراتىن كومپانيالاردىڭ شىعىستارى ەسەبىنەن ىسكە اسىرىلادى.
ونى ەنگىزۋدىڭ ەكى نەگىزگى ماقساتى بار:
- قوقىس شىعاراتىن كومپانيالاردىڭ ۇسىناتىن قىزمەتتەردىڭ ساپاسىن ناقتى ۋاقىتتا راستاۋ؛
- وبەكتيۆتى دەرەكتەر نەگىزىندە باسقارۋشىلىق شەشىمدەر قابىلداۋ ءۇشىن اناليتيكالىق دەرەكتەردى قالىپتاستىرۋ.
قتق (قاتتى تۇرمىستىق قالدىقتار) كومەگىمەن «ناقتى ۋاقىت» رەجيمىندە اقپارات الۋعا مۇمكىندىك بەرەتىن قتق باسقارۋ ينفراقۇرىلىمىنىڭ سيفرلىق كارتاسى قالىپتاستىرىلدى:
- كونتەينەرلىك الاڭداردىڭ سانى مەن سيپاتتامالارى، ونىڭ ىشىندە قالانىڭ اۋداندارى بويىنشا ءبولىنىسى؛
- كونتەينەرلەردىڭ سانى مەن تەحنيكالىق جاي-كۇيى، ونىڭ ىشىندە قالا اۋداندارىنىڭ ءبولىنىسى؛
- قوقىس شىعاراتىن كومپانيالاردىڭ جانە قالا اۋداندارى بولىنىسىندە جۇمىسقا تارتىلعان مامانداندىرىلعان كولىكتەر؛
- قاتتى تۇرمىستىق قالدىقتار كومۋ پوليگوندارى؛
- قوقىس وڭدەۋ كەشەندەرىندە.
وسىلايشا، قوقىس شىعاراتىن كومپانيالاردىڭ ناقتى ۋاقىت رەجيمىندە ءوز مىندەتتەرىن ورىنداۋىن باقىلاۋعا بولادى.
دەرەكتەر قاتتى تۇرمىستىق قالدىقتاردى سۇرىپتاۋ، قايتا وڭدەۋ جانە كومۋ وبەكتىلەرىنىڭ قۋاتىن وزگەرتۋ قاجەتتىلىگىن باعالاۋعا، ياعني قالانىڭ ءتيىستى ينفراقۇرىلىمىن دامىتۋدى ءتيىمدى جوسپارلاۋعا مۇمكىندىك بەرەدى.
