Elordadaǵy Esil aýdanynda eki jańa politsiia pýnkti ashyldy. Bul jumys «Zań jáne tártip» narrativasy aiasynda júzege asyrylýda,- dep habarlaidy Dalanews.kz
Jańa pýnkterdiń ashylý rásimine Astana qalalyq Politsiia departamentiniń bastyǵy Marat Tólebaev, Esil aýdanynyń ákimi Darmeniiar Qydyrbekuly jáne qalalyq máslihat depýtattary qatysty.
Politsiia pýnkteriniń biri «Triumph City» turǵyn úi kesheninde (Buqar jyraý kóshesi, 32 úi) ornalassa, ekinshisi «Jetisý» saiabaǵy aýmaǵynda ornalasqan.
«Memleket basshysynyń «Ádiletti Qazaqstan – Zań jáne tártip» tujyrymdamasy aiasynda biz aýdandaǵy 80 myńǵa jýyq turǵynǵa qyzmet kórsetetin jańa ýchaskelik politsiia pýnkterin ashtyq. Biz politsiianyń qolaily ári jaily jaǵdaida jumys isteýi jáne halyqqa barynsha jaqyn bolýy úshin barlyq jaǵdaidy jasap jatyrmyz», – dedi Esil aýdanynyń ákimi Darmeniiar Qydyrbekuly.
