1200 orynǵa eseptelgen jańa mektep qaladaǵy №75, №84 jáne №85 mektepterdiń shamadan tys júktelýi máselesin sheshýge múmkindik bergenin aita ketýimiz kerek.
«Oqýshylar jalpy toptarda qurdastarymen teń dárejede bilim alady. Kún saiyn balaǵa qajetti jeke kómek kórsetiledi», dedi «Bolashaq» korporativtik qory keńesiniń tóraiymy Dinara Shaijúnisova.
№ 88 mektep-litseiiniń inkliýzivtik kabineti «Shevron» kompaniiasynyń demeýshilik qarajat esebinen qarjylandyryldy. Bul qordyń «ár bala mektepke laiyqty» jobasy aiasyndaǵy altynshy kabineti.
– «Shevron» kompaniiasynyń Qazaqstan Respýblikasymen seriktestigi 26 jyldy quraidy, iaǵni kompaniianyń elde jumys jasap bastaǵanynyń alǵashqy kúnderinen beri biz elimizdiń meditsinalyq mekemelerin qoldap kelemiz, halyqaralyq standarttardy engizip, jergilikti mamandardy úzdik halyqaralyq tájiribelermen tanystyramyz. Bul eldiń áleýmettik-ekonomikalyq damýyna qosyp jatqan úlesimiz, – dedi kompaniia ókili Janar Qoshpanova.
Premer-Ministrdiń orynbasary Berdibek Saparbaev áleýmettik jobalardy iske asyrýda, atap aitqanda erekshe qajettilikteri bar balalardy qoldaýǵa baǵyttalǵan memlekettiń, qoǵamdyq uiymdar men sheteldik kásiporyndardyń tyǵyz ózara bailanysynyń mańyzdylyǵyn atap ótti.
Elorda ákimi Altai Kólginov oqýshylarmen kezdesý barysynda jańadan ashylǵan mekteptiń alǵashqy oqýshylaryna
– Sizder oqityn mektep jetekshi mekterdiń biri bolyp tabylady. Bilim alý úshin eńbek etińizder, al biz óz tarapymyzdan barlyq jaǵdaidy jasaimyz, «Shevron» kompaniiasyna qoldaý kórsetkeni úshin alǵys bildiremin, – dep atap ótti.
Sondai-aq, qala ákimi inkliýzivtik kabinetterdiń qalanyń basqa mektepterinde de ashylatynyn atap ótti. Ata-analar da alǵysyn bildirip, atalmysh inkliýzivtik kabinetterdiń mańyzdylyǵyn atap ótti. Soynmen qatar №88 mektep-litseiinde gidroponika kabineti ashyldy. Tehnologiia kómegimen mektep oqýshylary ózderi ósimdik ósire alady.
Oqýshylar fizika men himiia pánderi boiynsha tájiribe jasai alatyn zerthana kabineti de jastardyń paidalanýyna berildi.
Muǵalimdermen áńgime barysynda vitse-premer Elbasy men Prezidenttiń tapsyrmasy boiynsha pedagogtardyń mártebesin arttyrý boiynsha naqty sharalar qabyldanǵanyn atap ótti.
– Memleket bilim berý salasyn damytýǵa jáne balalardy qoldaýǵa erekshe kóńil bóledi. Búkil el boiynsha jańa zamanaýi mektepter salynyp jatyr, muǵalimderdiń jalaqysy artyp, jumys jaǵdaiy jaqsarýda. Urpaqtyń bilimdi, saýatty jáne tárbieli bolyp ósýi úshin barynsha kúsh salýyńyz kerek, – dedi Berdibek Saparbaev.
https://www.youtube.com/watch?v=ofsAjHrdHf0&feature=emb_logo
