Astanada «WorldSkills Astana-2025» kásibi sheberlik boiynsha aimaqtyq chempionat bastaldy. Elordada osymen onynshy ret ótip jatyr, dep habarlaidy qala ákimdiginiń resmi saity.
Chempionatqa 300 úmitker, 250-ge jýyq sarapshy jáne 4000-nan astam qonaq qatysyp jatyr.
«WorldSkills» halyqaralyq qozǵalysynyń basty maqsaty – jastar arasynda jumysshy mamandyqtardyń bedelin arttyrý jáne kásibi daǵdylardy damytý. Qazaqstan 2014 jyly jahandyq qaýymdastyqqa endi, al 2015 jyly Astanada birinshi qalalyq chempionat ótti.
Osy on jyl ishinde WorldSkills Astana aýqymdy jobaǵa ainaldy: 2025 jyly 300-den astam qatysýshy 49 quzyret boiynsha saiysqa túsýge ótinish berdi.
Jarys 30 mamyrǵa deiin elordalyq kolledjderdiń 15 alańynda ótedi. Qatysýshylar prototip jasaý, meiramhana qyzmeti, dánekerleý, grafikalyq dizain, mobildi robototehnika, mobilografiia, internet-marketing jáne t.b. salalarda óz jetistikterin kórsetedi.
Chempionat negizgi salalardaǵy kásipterdiń keń aýqymyn qamtidy:
Qurylys jáne injeneriia: kirpish qalaý, gipsokarton jáne sylaq, plitka tóseý, elektr montajdaý, santehnika jáne jylýmen jabdyqtaý, aǵash ustasy, temir jol kóligin basqarý, elektrovoz basqarý jáne t.b.
Ónerkásip jáne mehatronika: dánekerleý tehnologiialary, tokarlyq jáne frezerlik jumystar, kýzov jóndeý, prototipteý, mehatronika, E-mobility.
IT jáne tsifrlyq tehnologiialar: jelilik jáne júielik ákimshilendirý, bultty baǵdarlamalaý, veb-tehnologiialar, grafikalyq dizain, internet-marketing, bizneske arnalǵan IT sheshimder, mobildi qosymshalar ázirleý, kompiýterlik oiyndardy 3D modeldeý, mobildi fotosýret, videomontaj.
Qyzmet kórsetý jáne shyǵarmashylyq salalar: meiramhana qyzmeti, aspazdyq jáne konditerlik ónimder, nan pisirý, shashtaraz, sán tehnologiiasy, qonaqúi qabyldaýshysy, floristika.
Bilim berý jáne áleýmettik kásipter: bastaýysh synyptarda oqytý, mektepke deiingi tárbie men oqytý, dene shynyqtyrý jáne sport, pedagogika.
Kólik, jóndeý jáne tehnikalyq qyzmet kórsetý: aqparattyq kabel jelileri, jolaýshylar vagondaryn jóndeý jáne tehnikalyq qyzmet kórsetý.
Kásipkerlik jáne biznes: kásipkerlik, qyzmet kórsetýdi uiymdastyrý.
Chempionat sonymen qatar arnaiy jarystardy qamtidy: Abilympics – múmkindigi shekteýli stýdentter úshin, DeafSkills – estý qabileti buzylǵan qatysýshylar úshin, JasSkills – mektep oqýshylary úshin.
Qazirgi aimaqtyq kezeńniń jeńimpazdary 2025 jyldyń kúzinde ótetin el chempionatyna qatysady.
Jarystarmen qatar qalada bilim berý jáne kásiptik baǵdar berý sharalary ótkiziledi:
* «100 beiindik synyp» jobasy aiasynda 8 baǵyt boiynsha mektep oqýshylarynyń basqosýy: servis, IT, meditsina, temir jol kóligi, dizain, pedagogika, tigin óndirisi jáne tehnikalyq qyzmet kórsetý.
* «CHOCOLATINE KAZAKHSTAN 2025» respýblikalyq chempionaty.
* Áleýmettik seriktestermen birge kolledjderde ekskýrsiialar men sheberlik sabaqtary.
