Qalalyq ákimdiktiktiń málimetinshe, osy ýaqyt aralyǵyndaǵy qatysýshylar sany — 53 myń 279 adam.
Utys tikelei efirde 17 shilde (senbi) saǵat 17:00-de Nur-Sultan qalasy ákimdiginiń áleýmettik jelilerinde (Facebook, YouTube) ótedi.
Esterińizge sala keteiik, iPhone12 jáne basqa da qundy syilyqtardyń alǵashqy utys oiyny 9 shildede ótti. Sol kezde avtomatty utys oiynyna vaktsinatsiia bastalǵan sátten bastap qalada 6 shildege deiin vaktsinatsiialanǵandar qatysqan.
Birge platformasynda utys oiynynyń jeńimpazdaryn anyqtaý úshin arnaiy randomaizer servisi ornatylǵan, ol vaktsinatsiialanǵandar arasynda ID boiynsha júlde iegerlerin generatsiia arqyly tańdaidy. Ony ázirleýge IT-qaýymdastyq ta qatysty.
Aita ketý kerek, vaktsinatsiialanǵandar júiesi QR Densaýlyq saqtaý ministrliginiń aqparattyq júiesimen biriktirilgen. Utys oiynyna qatysý avtomatty túrde ótedi, iaǵni ekpe alǵandarǵa qujat toltyrýdyń qajeti joq.
IPhone12 jáne basqa da qundy syilyqtardyń utys oiynyn elorda ákimdigi apta saiyn jazdyń sońyna deiin ótkizedi.
Aita keteiik, elordada azamattardy vaktsinatsiialaýǵa yntalandyrý úshin baǵaly syilyqtar oinatylady.
Vaktsinatsiialanǵandar arasynda eki bólmeli páter de oinatylady. Osy jyldyń 25 maýsymy men 31 tamyzy aralyǵynda vaktsinanyń birinshi komponentin alǵan 18 jastan asqan qala turǵyndarynyń elordada jyljymaityn múlikti utyp alý múmkindigi bar.
Bul utys oiynyna vaktsinatsiianyń barlyq pýnkteri qatysady: meditsinalyq mekemeler, SOO-lar jáne saýda úileri. Aita ketý kerek, utys oiyndary demeýshilerdiń kómegimen ótkiziledi.
Sondai-aq MEGA Silk Way SOO vaktsinatsiia pýnktinde birinshi komponentpen vaktsinalanǵandar arasynda avtokóliktiń utys oiyny jariialandy. Elordada utys oiyndary azamattardy ekpe alýǵa yntalandyrý, osylaisha óz densaýlyǵyn, jaqyn jáne ainalasyndaǵy adamdardyń densaýlyǵyn saqtaý úshin uiymdastyrylady.
Basty maqsat — ujymdyq immýnitetti damytý jáne karantinge deiingi burynǵy rejimge oralý. Ujymdyq immýnitettiń úlesi 60%-dan asýy kerek.
