«Januıa» otbasy ınstıtýtyn qoldaý ortalyǵynda áleýmettik qyzmetkerlerdi kásibı merekesi – Áleýmettik qorǵaý júıesi qyzmetkerlereniń kúnimen quttyqtady, dep habarlaıdy elorda ákimdiginiń resmı saıty.

Áleýmettik qyzmetkerlerdi elorda ákiminiń orynbasary Baqtıar Máken quttyqtady.

– Búgin elordanyń 157 myń turǵyny túrli áleýmettik kómekti alyp, qoldaýǵa ıe bolyp otyr. Olar – soǵys ardagerleri, múmkindigi shekteýli azamattar, az qamtylǵan otbasylar, ómirlik qıyn jaǵdaıǵa tap bolǵan azamattar jáne kómekke muqtaj barlyq azamattar. Bul jumys jan jylýyn, jaýapkershiligi men joǵary biliktilikti qajet etedi, – dedi B.Máken.

Ol barlyq áleýmettik qyzmetkerlerge qoǵam úshin istep jatqan mańyzdy eńbekteri úshin alǵys aıtty.

Qazirgi kúni qalanyń áleýmettik qorǵaý salasynda myńǵa jýyq maman jumys isteıdi. Olar kún saıyn túrli baǵyt boıynsha kómek kórsetedi.

Sala ókilderin marapattaý saltananynda «Áleýmettik qorǵaý júıesindegi eń úzdik áleýmettik qyzmetker» baıqaýynyń jeńimpazdary anyqtaldy. Olarǵa QR Eńbek jáne áleýmettik qorǵaý mınıstrligi men qala ákiminiń alǵys hattary tabystaldy.