«جانۇيا» وتباسى ينستيتۋتىن قولداۋ ورتالىعىندا الەۋمەتتىك قىزمەتكەرلەردى كاسىبي مەرەكەسى – الەۋمەتتىك قورعاۋ جۇيەسى قىزمەتكەرلەرەنىڭ كۇنىمەن قۇتتىقتادى، دەپ حابارلايدى ەلوردا اكىمدىگىنىڭ رەسمي سايتى.

الەۋمەتتىك قىزمەتكەرلەردى ەلوردا اكىمىنىڭ ورىنباسارى باقتيار ماكەن قۇتتىقتادى.

– بۇگىن ەلوردانىڭ 157 مىڭ تۇرعىنى ءتۇرلى الەۋمەتتىك كومەكتى الىپ، قولداۋعا يە بولىپ وتىر. ولار – سوعىس ارداگەرلەرى، مۇمكىندىگى شەكتەۋلى ازاماتتار، از قامتىلعان وتباسىلار، ومىرلىك قيىن جاعدايعا تاپ بولعان ازاماتتار جانە كومەككە مۇقتاج بارلىق ازاماتتار. بۇل جۇمىس جان جىلۋىن، جاۋاپكەرشىلىگى مەن جوعارى بىلىكتىلىكتى قاجەت ەتەدى، – دەدى ب.ماكەن.

ول بارلىق الەۋمەتتىك قىزمەتكەرلەرگە قوعام ءۇشىن ىستەپ جاتقان ماڭىزدى ەڭبەكتەرى ءۇشىن العىس ايتتى.

قازىرگى كۇنى قالانىڭ الەۋمەتتىك قورعاۋ سالاسىندا مىڭعا جۋىق مامان جۇمىس ىستەيدى. ولار كۇن سايىن ءتۇرلى باعىت بويىنشا كومەك كورسەتەدى.

سالا وكىلدەرىن ماراپاتتاۋ سالتانانىندا «الەۋمەتتىك قورعاۋ جۇيەسىندەگى ەڭ ۇزدىك الەۋمەتتىك قىزمەتكەر» بايقاۋىنىڭ جەڭىمپازدارى انىقتالدى. ولارعا ق ر ەڭبەك جانە الەۋمەتتىك قورعاۋ مينيسترلىگى مەن قالا اكىمىنىڭ العىس حاتتارى تابىستالدى.