Astanada «Taza Qazaqstan» ekoaktsiiasyna arnalǵan 40 metrlik mýral ashyldy. Kórkem týyndy Syǵanaq kóshesi, 1 úiiniń qabyrǵasyna salynǵan. Onyń biiktigi – 40 metr jáne aýdany 480 sharshy metrdi quraidy, – dep habarlaidy Dalanews.kz elorda ákimdiginiń baspasóz qyzmetine silteme jasap.
Mýralda ulttyq kiimdegi balalar beinelengen. Kóshetti sýaryp turǵan balalar ósý men órkendeýdi beineleidi. Kók aspannyń fonynda shańyraq pen ýyqtardy jáne Astananyń kórnekti jerlerimen bezendirilgen jasyl planetany kórýge bolady.
Mýralda «Taza Qazaqstan – Taza bolashaq» degen jazý jazylǵan.
Mýral osy jyldyń sáýir aiynda bastalǵan «Taza Qazaqstan» respýblikalyq ekoaktsiiasynyń aiasynda salynǵan. Osy bastama aiasynda elordada túrli is-sharalar ótkizilip, oǵan myńdaǵan astanalyq qatysty.
Turǵyndar qalany abattandyrýǵa, aǵash otyrǵyzýǵa, ózenderdi tazartýǵa jáne ruqsat etilmegen poligondardy joiýǵa belsendi qatysyp, áleýmettik bastamalarǵa qoldaý berýde.
