Memleket basshysy Rim Papasy XIV Leoǵa quttyqtaý jedelhatyn joldady, dep habarlaidy dalanews.kz.
Prezident Qasym-Jomart Toqaev Rim Papasy XIV Leony Pontifik bolǵanyna bir jyl tolýymen quttyqtady. Memleket basshysy hatta Pontifiktiń beibitshilik ideiasy men dialogty ilgeriletý jónindegi dáiekti ýaǵyzy adami qadir-qasietti dáriptep, halyqtar men konfessiialar arasyndaǵy ózara túsinistikti nyǵaitýdyń senimdi tiregi ekenin atap ótken. Prezident Qazaqstan men Kieli Taq arasynda uzaq jyldan beri kele jatqan dostyq pen tyǵyz yntymaqtastyqty joǵary baǵalaitynyn jáne bailanystardy odan ári tereńdetý nietin jetkizdi. Sondai-aq Qasym-Jomart Toqaev Katolik shirkeýiniń basshysyn Astanaǵa shaqyratynyn taǵy da rastady.
"Sizdiń saparyńyz seriktestigimizge jańa mazmun darytyp, aimaqtaǵy eleýli ýaqiǵaǵa ainalatynyna senimdimin", – dedi Qazaqstan Prezidenti.
Memleket basshysy Papa XIV Leoǵa izgi muratyn iske asyrý jolynda zor densaýlyq jáne qajymas qairat tiledi.
