Nur-Sultan qalasyna Pfizer ekpesi jetkizilgeli beri ony alýǵa niet bildirgender qatary kúrt artty.
– Bala emizetin bolǵandyqtan №2 qalalyq emhanaǵa vaktsina alýǵa keldim. Ózimniń, balamnyń densaýlyǵyn oilaǵandyqtan ekpe alamyn dep sheshim qabyldadym. Bárin vaktsina alýǵa shaqyramyn. Odan qorqatyn eshnárse joq. Densaýlyq bárinen mańyzdy, – deidi qala turǵyny Tolǵanai Ábdiǵanieva.
Vaktsina egý kabinetterine arnaiy termokonteinerlermen jetkiziledi.
– Pfizer ekpesi osy emhanaǵa jetkizilgenin bilgennen keiin birden kelip otyrmyn. Men anamyn, emizýli balam bar. Ózimniń ǵana emes balamnyń da densaýlyǵyna jaýaptymyn. Ekpe qaýipsiz, qaita qaýiptiń aldyn alady dep oilaimyn. Ineden qorqatynymdy jasyrmaimyn (kúldi), biraq virýs odan da qorqynyshty. Ekpe alǵannan keiin ózimdi jaqsy sezinip turmyn. Vaktsinanyń esh qorqynyshy joq, ekpe alyńyzdar, – deidi qala turǵyny Violetta.
Aita keteiik, elordada Pfizer vaktsinatsiiasyn alýǵa bolatyn 5 myń júkti, 28 myń bala emizetin áiel jáne 63 myń bala bar.
Qala boiynsha barlyǵy 90-nan astam vaktsinatsiia pýnkti bar, biraq Pfizer-di tek meditsinalyq uiymdar men bilim berý mekemeleriniń meditsinalyq pýnkterinde egedi.
https://www.youtube.com/watch?v=r98-woPaGSI
