نۇر-سۇلتان قالاسىنا Pfizer ەكپەسى جەتكىزىلگەلى بەرى ونى الۋعا نيەت بىلدىرگەندەر قاتارى كۇرت ارتتى.
– بالا ەمىزەتىن بولعاندىقتان №2 قالالىق ەمحاناعا ۆاكسينا الۋعا كەلدىم. ءوزىمنىڭ، بالامنىڭ دەنساۋلىعىن ويلاعاندىقتان ەكپە الامىن دەپ شەشىم قابىلدادىم. ءبارىن ۆاكسينا الۋعا شاقىرامىن. ودان قورقاتىن ەشنارسە جوق. دەنساۋلىق بارىنەن ماڭىزدى، – دەيدى قالا تۇرعىنى تولعاناي ابدىعانييەۆا.
ۆاكسينا ەگۋ كابينەتتەرىنە ارنايى تەرموكونتەينەرلەرمەن جەتكىزىلەدى.
– Pfizer ەكپەسى وسى ەمحاناعا جەتكىزىلگەنىن بىلگەننەن كەيىن بىردەن كەلىپ وتىرمىن. مەن انامىن، ەمىزۋلى بالام بار. ءوزىمنىڭ عانا ەمەس بالامنىڭ دا دەنساۋلىعىنا جاۋاپتىمىن. ەكپە ءقاۋىپسىز، قايتا ءقاۋىپتىڭ الدىن الادى دەپ ويلايمىن. ينەدەن قورقاتىنىمدى جاسىرمايمىن (كۇلدى)، ءبىراق ۆيرۋس ودان دا قورقىنىشتى. ەكپە العاننان كەيىن ءوزىمدى جاقسى سەزىنىپ تۇرمىن. ۆاكسينانىڭ ەش قورقىنىشى جوق، ەكپە الىڭىزدار، – دەيدى قالا تۇرعىنى ۆيولەتتا.
ايتا كەتەيىك، ەلوردادا Pfizer ۆاكسيناسياسىن الۋعا بولاتىن 5 مىڭ جۇكتى، 28 مىڭ بالا ەمىزەتىن ايەل جانە 63 مىڭ بالا بار.
قالا بويىنشا بارلىعى 90-نان استام ۆاكسيناسيا پۋنكتى بار، ءبىراق Pfizerء-دى تەك مەديسينالىق ۇيىمدار مەن ءبىلىم بەرۋ مەكەمەلەرىنىڭ مەديسينالىق پۋنكتەرىندە ەگەدى.
https://www.youtube.com/watch؟v=r98-woPaGSI
