Elordada ótken bos oryndar jármeńkesinde jastarǵa myńǵa jýyq jumys oryndary usynyldy
Nur-Sultan ákimdigi qalanyń vedomstvolyq baǵynysty uiymdarymen birlesip, jastar men JOO jáne kolledj túlekteri úshin bos oryndar jármeńkesin ótkizdi, – dep habarlaidy Dalanews.kz qala ákimdiginiń resmi saity.
Kadrlar izdep júrgen 60-tan astam jumys berýshi myńǵa jýyq jumys ornyn usyndy. Bul – ónerkásip, týrizm jáne saýda salasyndaǵy iri biznes ókilderi.
Jastar men oqý oryndarynyń túlekteri úshin jumys oryndarynyń qoljetimdiligin arttyrý, jumys berýshilerge laiyqty kandidattardy jaldaý protsesin jeńildetý jáne olardyń jumysqa ornalasýyna járdemdesý maqsatynda Jumyspen qamtý jáne áleýmettik qorǵaý basqarmasy Investitsiialar jáne kásipkerlikti damytý, bilim berý jáne jastar saiasaty basqarmalarymen, sondai-aq halyqty jumyspen qamtý ortalyǵymen birlesip bos oryndar jármeńkesin ótkizdi.
– Biz jármeńkege ekinshi ret qatysyp otyrmyz. Mundai is-sharalar óte qajet. Qarym-qatynas adamdy túsinýge jáne kórýge múmkindik beredi. Túiindeme jibere salǵannan góri taraptardyń bir-birimen suhbattasýy mańyzdy. Jumys izdeýshiler úshin, bir jerde az ǵana ýaqyt ishinde birneshe jumys berýshini tildesip, ózine unaǵan jumysty tańdaý óte yńǵaily. Bul úshin eki-úsh apta jumsamai, qala boiynsha suhbatqa baryńyz bolǵany. Sonymen qatar, bizdiń kompaniiaǵa «Jastar tájiribesi» baǵdarlamasy óte unady. Al búgin bizge «Urpaqtar kelisimsharty» jáne «Alǵashqy jumys orny» baǵdarlamalary usynylady. Halyqty jumyspen qamtý ortalyǵy qyzmetkerge 18 ai ishinde 30 AEK-ke deiin ózi tóleidi. Osy ýaqyt ishinde bizde jańadan kelgen qyzmetkerdiń quzyrettiligin tanýǵa múmkindik bar, – dep túsindirdi "Qazaqtelekom" kompaniiasynyń ókili Lázzat Baelova.
Menedjment jáne biznes kolledjiniń stýdenti Shyńǵys Qanatov ta óz áserimen bólisti.
– Men baǵdarlamashy mamandyǵy boiynsha bilim alýdamyn, qazir tórtinshi kýrsqa kóshtim. Maǵan mindetti túrde diplomaldy praktikadan ótý kerek. Men ózim saittar arqyly oryn tabýǵa tyrystym. Ókinishke orai, olar barlyq jerde bas tartty. Kompaniialar praktikanttardy alyp, olardy oqytqysy kelmeidi. Mundai jaǵdaida jastar qaida tájiribe jinaidy? Taǵylymdamadan ótý problemasyna tap bolǵan men ǵana emespin. Mundai másele meniń barlyq qurdastarymda bar. Osy bos oryndar jármeńkesi siiaqty is-sharalardy uiymdastyrǵandarǵa rahmet, – dedi ol.
Uiymdastyrýshylar jármeńkeniń maqsaty jumyssyz azamattardy, bilim berý uiymdarynyń túlekterin jáne jastardy jumys berýshi men jumys izdeýshi arasyndaǵy tikelei bailanys arqyly jumysqa ornalastyrý bolyp tabylatynyn atap ótti.
– Jyl sońyna deiin taǵy 10 jármeńke ótkizýdi josparlap otyrmyz. Is-sharanyń negizgi maqsaty – jastardy jumysqa ornalastyrý, olardyń áleýetin ashý, kásibi daǵdylaryn damytý. Búginde munda 60-tan astam jumys berýshi – iri biznes ókilderi, sonyń ishinde ónerkásip, qurylys, týrizm jáne saýda salasynda jumys isteidi. Mundai is-sharalarǵa qatysý óziniń mansaptyq jolyn bastaǵan jastar úshin mańyzdy. Óitkeni ol qyzmettiń eń qyzyqty salalaryn jáne qyzmetker retinde óziniń «qunyn» anyqtaýǵa kómektesedi. Izdenýshiler ózderine unaityn kompaniiany tańdap, eńbek naryǵynda baǵdarlai alady, - dep qorytyndylady elordalyq Halyqty jumyspen qamtý ortalyǵynyń direktory Azamat Baitasov.
Aita ketý kerek, Bos oryndar jármeńkesi kompaniialar úshin de, izdenýshiler úshin de aqysyz negizde ótkiziledi.
Jumysqa ornalastyrý boiynsha qoldanystaǵy baǵdarlamalar boiynsha tolyq aqparat https://czn.kz/ru Nur-Sultan qalasynyń halyqty jumyspen qamtý ortalyǵynyń saitynda.
