– Elordada mektep salý úshin 72 jer telimi belgilendi. Bul jer ýchaskeleriniń aýmaǵy 120 myń oqýshy ornyna (eki aýysymda 240 myń oqýshy orny) arnalǵan oqý oryndaryn salýǵa múmkindik beredi. – dedi qala basshysy.
Atalmysh jer ýchaskeleri áleýmettik nysandarǵa degen qajettilikti eskere otyryp anyqtalǵan. Jer telimderi qalanyń barlyq aýdanynda ornalasqan.
Elordada áleýmettik nysandardy salýǵa arnalǵan jer ýchaskeleriniń sany jyl saiyn artyp keledi. Árbir aýdanda (shaǵyn aýdandarda) oqý oryndary bolýy úshin egjei-tegjeili josparlaý jobasyna arnaiy baǵyt bekitilgenin ákim tilge tiek etti.
Elordada biyl 11 mektep salynyp, paidalanýǵa beriledi. Esil aýdanynda – 6 mektep, Almaty aýdanynda – 4 mektep, Saryarqa aýdanynda – taǵy 1 mektep, Baiqońyr aýdanynda – 1 mektep (ol 2023 jyly tapsyrylady). Atalǵan bilim ordalary arqyly 23 myńnan astam oqýshyǵa arnalǵan oryn ashylady.
Memleket basshysynyń tapsyrmasy boiynsha elordada 3 jyl ishinde 34 mektep salynýy tiis. Bul – 70 myń oqýshy ornyn ashýǵa múmkindik berdi.
