"KIDS EXPO. Balalar álemi" jármeńkesi EXPO Halyqaralyq kórme ortalyǵynda 17-21 tamyz aralyǵynda saǵat 12:00-den 21:00-ge deiin ótedi. Kirý tegin.
Sharany elorda ákimdiginiń qoldaýymen "QazExpoCongress" ulttyq kompaniiasy uiymdastyrdy.
«Kids EXPO. Balalar álemi " – bul kitap, keńse, toqyma, bilim berý jáne oiyn-saýyq indýstriiasy, balalar men olardyń ata-analaryna arnalǵan taýarlar men qyzmetter ókilderin bir alańda biriktirýge múmkindik bergen alǵashqy iri qalalyq joba.
Kórmeniń negizgi baǵyty-bilim berý, hobbi, demalys, balalar mádenieti (jýrnaldar, kitaptar jáne mýzyka), oiyndar álemi (oiynshyqtar, oiyndar jáne qolóner), balalar sáni men kiimderi, kerek-jaraqtar men aksessýarlar jáne taǵy basqalar.
5 kún ishinde jergilikti taýar óndirýshilerdiń, kompaniialar men iri brendterdiń 100-ge jýyq qatysýshysy óz ónimderin eń qolaily baǵamen usynady.
Jármeńkege Marwin, Abdi, FasTracKids, Utaria, CAES, Robotek, Foliant, "Almaty kitap" basylymdary jáne basqa da iri brendter qatysady.
Jármeńke ashylǵan kúni kórme ortalyǵynyń alańynda "Astana" estradalyq-simfoniialyq orkestriniń, bi ujymdarynyń, "Vainah" ansambliniń óner kórsetýi, dereksiz keskindeme, ulttyq oiyndar (asyq atý, toǵyzqumalaq) boiynsha sheberlik synyptary, sondai-aq Qazaqstan quramasynyń oiynshysy jáne "Astana" basketbol klýbynyń kásibi sheberlik forvardy Rýslan Aitqalidyń basketboldan sheberlik synyby ótti.
Qosymsha aqparat pen qyzyqtyratyn suraqtarǵa jaýaptardy qazexpocongress.kz saitynan jáne "QazExpoCongress" UK" AQ-nyń Facebook jáne Instagram-daǵy resmi akkaýnttarynan alýǵa bolady.
